សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ ផ្ទះប្រជាពលរដ្ឋជាច្រើនខ្នងផ្ទះ ត្រូវបានដួលរលំ ខ្លះរបើកដំបូលដោយសារមានខ្យល់កន្ត្រាក់ បោកបក់ កាលពីវេលាម៉ោង៧និង៣០នាទីយប់ ថ្ងៃទី១០ ខែកក្កដា ឆ្នាំ២០១៧ ស្ថិតក្នុងឃុំចំនួន៣ នៅស្រុករមាសហែក ខេត្តស្វាយលរៀង ។
យោងតាមអាជ្ញាធរស្រុករមាសហែកបានឲ្យដឹងថា ឃុំដែលរងផលប៉ះពាល់ពីខ្យល់កន្ត្រាក់បោកបក់បណ្តាលខូចខាត់ផ្ទះប្រជាពលរដ្ឋ មានភូមិប្រម៉ាត់ប្រាំ និងភូមិឈើភ្លើង ឃុំកំពង់ត្រាច: របើកដំបូលផ្ទះចំនួន៧ផ្ទះ
១/ ផ្ទះឈ្មោះ គល់ ម៉ាន់ ភេទប្រុស អាយុ៣៨ឆ្នាំ នៅភូមិប្រម៉ាត់ប្រាំផ្ទះទំហំ៣.៥ម៉ែត្រគុណនឹង៤.៥ម៉ែត្រ សង់ពីឈើប្រក់ស័ង្កសីត្រូវដើមត្នោតដួលខូចខាត៩៥ភាគរយ ។
២/ ផ្ទះឈ្មោះ អឺល សុក ភេទប្រុស អាយុ៣៤ឆ្នាំ នៅភូមិប្រម៉ាត់ ផ្ទះទំហំ៦.៥ម៉ែត្រគុណនឹង៧.៥ម៉ែត្រ សង់ពីឈើសសរបេតុង ប្រក់សីុប្រូស៊ីម៉ង់ត៍ របើកដំបូលអស់ចំនួន១១សន្លឹក។
៣/ ផ្ទះឈ្មោះ រាជ ធីវង្ស ភេទប្រុស អាយុ៣៦ឆ្នាំ ភូមិប្រម៉ាត់ប្រាំ ផ្ទះទំហំ៩ម៉ែត្រគុណនឹង១២ម៉ែត្រ សសរបេតុង របើកគ្បឿងចំនួន២៥សន្លឹក និងស័ង្កសីផ្ទះបាយចំនួន៧សន្លឹក។
៤/ ឈ្មោះមាស សារិតភេទប្រុសអាយុ៣៨ឆ្នាំ ភូមិប្រម៉ាត់ប្រាំប្រក់ក្បឿងរបើកដំបូលចំនួន៣០សន្លឹក។
៥. ឈ្មោះ ម៉ុក សុខុន ភេទប្រុស អាយុ២៥ឆ្នាំ ភូមិប្រម៉ាត់ប្រាំផ្ទះទំហំ ៥ម៉ែត្រគុណនឹង៧ម៉ែត្រ សង់ពីឈើជញ្ជាំងស័ង្កសី លោតចុះពីជើងដំកលរបើកដំបូលស័ង្គចំនួន២៥សន្លឹក។
៦. ឈ្មោះ ប្រាក់ ណូរ៉ា ភេទប្រុស អាយុ៣៦ឆ្នាំ នៅភូមិប្រម៉ាត់ ប្រាំទំហំ៤.៥ម៉ែត្រគុណនឹង៥ម៉ែត្រ សង់ពីឈើប្រក់ស័ង្កសីរបើកដំបូលចំនួន៦សន្លឹក។
៧. ផ្ទះឈ្មោះ ទឹត្យ យ៉ាន់ ភេទប្រុស អាយុ៧៥ឆ្នាំ ភូមិឈើភ្លើង ផ្ទះទំហំ៧ម៉ែត្រ គុណនឹង៩ម៉ែត្រ សង់ពីឈើប្រក់គ្បឿង ដើមអំពិលបារាំងដួលលើបណ្តាលឲ្យបែកបាក់ននង ផ្ទោង ផ្លាន គ្បឿងមួយចំនួនធំ។
ប្រភពបន្តថា ភូមិត្មាតពង ឃុំសំបួរ: បណ្តាលឲ្យលោតផ្ទះចេញពីជើងដំកល់ ចំនួន៣ផ្ទះគឺ
ផ្ទះឈ្មោះ ខេត សារ៉ាត់ ភេទប្រុស អាយុ៣៣ឆ្នាំ នៅភូមិត្មាតពង ឃុំសំបួរ ផ្ទះទំហំ៦ម៉ែត្រគុណនឹង៥ម៉ែត្រ ធ្វើអំពីឈើប្រក់ស្លឹកជញ្ជាំងស្លឹកលោតពីលើជើងដំកល់។
ផ្ទះឈ្មោះឃួយ ទី ភេទប្រុសអាយុ៣៩ឆ្នាំនៅភូមិត្មាតពង ឃុំសំបួរផ្ទះទំហំ៨ម៉ែត្រ គុណនឹង៧ម៉ែត្រ សង់អំពីឈើប្រក់សីុប្រូ លោតចេញពីជើងដំកល់បាក់ ព្រុំបែកសីុប្រូ១៥សន្លឹក និងផ្ទះឈ្មោះ ឥន អ៊ាន ភេទ ស្រី អាយុ ៧៦ ឆ្នាំ នៅភូមិ ត្មាតពង ឃុំ សំបួរ ផ្ទះទំហំ ៥ម៉ែត្រគុណនឹង៤ ម៉ែត្រ សង់អំពីឈើប្រក់ស័ង្គសី ជញ្ជាំងស្លឹក លោតពីលើជើងដំកល់។
និង-ឃុំជ្រៃធំ: ផ្ទះមានឈ្មោះ មាឃ សារឿន ភេទស្រី អាយុ៥៧ឆ្នាំ ភូមិសណ្ដោរផ្ទះទំហំ២.៥ម៉ែត្រគុណនឹង៣.៥ម៉ែត្រ សង់ពីឈើប្រក់សង្គសី លោតចេញពីជើងដំកល់ ដោយមិនបណ្ដាលឲ្យរងរបួសដល់មនុស្សនោះទេ ៕ យឹម សុថាន
