ខ្មាន់កាំភ្លើងបាញ់ជិត១០គ្រាប់នៅខណ្ឌដូនពេញ ពេលនេះសមត្ថកិច្ចចាប់ខ្លួនបានហើយ

ភ្នំពេញ៖ ខ្មាន់កាំភ្លើងបាញ់ជិត១០គ្រាប់នៅខណ្ឌដូនពេញ កាលពីវេលាយប់ម៉ោង១០និង៣០នាទី ថ្ងៃទី៧ ខែកក្កដា ឆ្នាំ២០១៧ នោះ មកដល់ពេលនេះ ត្រូវកម្លាំងកងរាជអាវុធហត្ថចាប់ខ្លួនបានហើយ ។

បុរសឈ្មោះ ទូច បូភាព ត្រូវគេសង្ស័យថា ជាខ្មាន់កាំភ្លើងបាញ់ប្រហារជិត១០គ្រាប់នោះ បានបង្ហាញខ្លួនកាលពីព្រឹកថ្ងៃទី១៣ ខែកក្កដា ឆ្នាំ២០១៧ នៅស្នងការដ្ឋានកងរាជអាវុធហត្ថរាជធានីភ្នំពេញ ។ បច្ចុប្បន្ន សមត្ថកិច្ចបាននិងកំពុងសាកសួរ ៕