សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌដូនពេញ បានឃាត់ខ្លួនជនសង្ស័យចំនួន២នាក់ ពាក់ព័ន្ធនឹងការប្រើប្រាស់ថ្នាំញៀន កាលពីវេលាម៉ោងរំលងអធ្រាត្រ ឈានចូលថ្ងៃទី២១ ខែកក្កដា ឆ្នាំ២០១៧ នៅផ្លូវR6 ស្ថិតក្នុងសង្កាត់ស្រះចក ខណ្ឌដូនពេញ។
ជនសង្ស័យទី១ ឈ្មោះ សែម កក្កដា ភេទប្រុស អាយុ២៥ឆ្នាំ មុខរបមិនពិតប្រាកដ ស្នាក់សង្កាត់ផ្សារដេប៉ូ២ ខណ្ឌទួលគោក ។ ទី២ឈ្មោះអាកូនត្រេន ភេទប្រុសអាយុ១៧ឆ្នាំ មុខរប រើសអេតចាយ ស្នាក់នៅមិនពិតប្រាកដ។
សមត្ថកិច្ចបានអោយដឹងថា នៅមុនពេលកើតហេតុ កម្លាំងល្បាតខណ្ឌដូនពេញបានចុះល្បាតក្នុងមូលដ្ឋានការពារជូនប្រជាពលរដ្ឋ ខណៈទៅដល់ចំណុចកើតហេតុ ក៏ប្រទះឃើញជនសង្ស័យ២នាក់ កំពុងអង្កុយកន្លែងងងឹតដោយមានការសង្ស័យ ក៏ហៅឆែកឆេរដងខ្លួន ក៏រកឃើញថ្នាំញៀនចំនួន៤កញ្ចប់តូច ទើបកម្លាំងឃាត់ខ្លួនជនសង្ស័យទាំង២នាក់ យកទៅសាកសួនៅអធិការនគរបាលខណ្ឌដូនពេញរង់ចាំដោះស្រាយតាមច្បាប់៕ សុខាសែនជ័យ
