សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ព្រឹកថ្ងៃទី៣១ ខែកក្កដា ឆ្នាំ២០១៧ ជនសង្ស័យជាជនជាតិវៀតណាម២នាក់ ត្រូវកម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគបាលខេត្តបញ្ជូនទៅសាលាដំបូងខេត្តពាក់ព័ន្ធពីបទជួញដូរនិងប្រើប្រាស់គ្រឿងញៀន ។
សមត្ថកិច្ចនគរបាលបានឲ្យដឹងថា កាលពីវេលាម៉ោង១១ និង៣០នាទីព្រឹក ថ្ងៃទី២៩ ខែកក្កដា ឆ្នាំ២០១៧ ស្ថិតនៅចំណុចភូមិរោងបន្លែ សង្កាត់ស្វាយរៀង ក្រុងស្វាយរៀង
មានជនសង្ស័យទាំង២នាក់មានឈ្មោះហ៊ូ វ៉ាំងទឹង អាយុ២៥ឆ្នាំ ជាជាងបាញ់ថ្នាំរថយន្ត ស្នាក់នៅផ្ទះជួល ក្នុងភូមិស្រះវង្សសង្កាត់ស្វាយរៀង ក្រុងស្វាយរៀង និងមានទីលំនៅក្នុងភូមិហុកងឺ ស្រុកហុកងឺ ខេត្តឡុងផាប់ ប្រទេសវៀតណាម (មានគ្រឿងញៀន២កញ្ចប់) និងម្នាក់ទៀតឈ្មោះង្វៀង មិនកាន់ អាយុ២៣ឆ្នាំ ជាជាងបាញ់ថ្នាំរថយន្ត ស្នាក់នៅផ្ទះជួលភូមិស្រះវង្ស សង្កាត់ស្វាយរៀង មានទៅលំនៅស្រុកកំណើត ភូមិហុកងឺ ស្រុកហុកងឺខេត្តឡុងផាប់ ប្រទេសវៀតណាម ខណះមានសេចក្ដីរាយការណ៍ថាមានជនសង្ស័យ២នាក់កំពុងចែកចាយថ្នាំញៀន ទើបសមត្ថកិច្ចឃាត់ខ្លួនបានតែម្ដង។
ចំណែកវត្ថុតាងដែលសមត្ថកិច្ចរឹបអូសមានថ្នាំញៀន២កញ្ចប់តូច, ជញ្ជីងថ្លឹងគ្រឿងញៀន១គ្រឿង, ទូរសព្ទ័ដៃ២គ្រឿង និងម៉ូតូ ១គ្រឿងផងដែរ ៕ យឹម សុថាន
