សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ត្រូវកម្លាំងនគរបាលទទួលផ្នែកគ្រឿងញៀនសហការជាមួយកម្លាំងផ្នែកអន្តរាគមន៍ នៃអធិការដ្ឋាននគរបាលខណ្ឌដូនពេញ បន្តចុះប្រតិបត្តិការបង្រ្កាបនិងឃាត់ខ្លួនជាក់ស្តែងកាលពីវេលាម៉ោង ២០និង៣០នាទីយប់ថ្ងៃទី២៩ ខែកក្ដដា ឆ្នាំ២០១៧ នៅចំណុចផ្លូវរថភ្លើង ភូមិ៣ សង្កាត់ ស្រះចក ខណ្ឌដូនពេញ រាជធានីភ្នំពេញ ជាលិទ្ធផលដកហូតថ្នាំញៀនសង្ស័យជាម៉ាទឹកកកចំនួន១៧កញ្ចប់តូច ។
ជនសង្សយ័ត្រូវឃាត់ខ្លួន ឈ្មោះ ហេង សុខចាន់ ភេទប្រុស អាយុ៣៤ ឆ្នាំ ជនជាតិខ្មែរ មុខរបរនឹងទីលំនៅមិនពិតប្រាកដ(ឃាត់ខ្លួន)។ វត្ថុតាងចាប់យកក្រាមពណ៌សថ្លា សង្សយ័ជាគ្រឿង ញៀនចំនួន១៧កញ្ចប់តូច (ដប់មួយកញ្ចប់តូច) ។
តាមប្រភពព័ត៌មានពីមន្រ្តីនគរបាលខណ្ឌដូនពេញ បានឲ្យដឹងថា មុនពេលឃាត់ខ្លួនជនសង្ស័យខាងលើនេះ គឺកម្លាំងជំនាញបានធ្វើការស្រាវជ្រាវ ដោយដឹងច្បាស់ថា ជនសង្ស័យតែងតែ ឈរលក់សារធាតុញៀននៅតាមបណ្ដោយផ្លូវរថភ្លើង លុះដល់ថ្ងៃកើតហេតុ ទើបកម្លាំងផ្នែកគ្រឿងញៀនខណ្ឌដូនពេញ ចុះប្រតិបត្តិការឃាត់ខ្លួនជនសង្ស័យនេះជាក់ស្តែងនិងដកហូតគ្រឿងញៀនចំនួន១៧កញ្ចប់តូចតែម្តង ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕ ស តារា
