សារព័ត៌មាន នគរវត្ត តែងតែនាំមុខគេជានិច្ច
ពលរដ្ឋដែលជាស្ត្រីម្នាក់ក្នុងចំណោម ១៧គ្រួសារ មានឈ្មោះ ឡាយរតនា ដែលរស់នៅភូមិឃំុខាងលើ បានរៀបរាប់ទាំងចង់អស់សង្ឃឹមថា ពួកគាត់បានមកមុខសាលាខេត្តស្ទឹងត្រែងនេះគឺដើម្បីឲ្យសម្តេចគត្តិព្រឹត្តិបណ្ឌិតប៊ុន រ៉ានី នឹងសម្តេចតេជោហ៊ុន សែន ជួយដោះស្រាយនឹងរកយុត្តិធម៍ នឹងសូមជួបលោកអភិបាលខេត្តស្នើសំុឱ្យលោកជួយដោះស្រាយពីបញ្ហារឿងទំនាស់ដីធ្លីជាមួយអ្នកស្រីងិនសារី ប៉ុន្តែមិនបានជួបលោកអភិបាលខេត្តនោះទេ គឺស្រាប់តែបានឃើញខាងតំណាងសាលាខេត្តចំនួន២នាក់បានដើរចេញមកជួបពួកគាត់ជំនួសលោកអភិបាលខេត្តទៅវិញ ដោយបានសួរគាត់ទៅ គាត់ឆ្លើយថា ជាជំនួយការរងលេខារដ្ឋបាលសាលាខេត្តហើយក៏បានមកកត់ឈ្មោះប្រជាពលរដ្ឋដែលមានការពាក់ព័ន្ធជាមួយអ្នកស្រីងិនសារី រួចកត់ឈ្មោះក្បាលដី ហើយនិងចំនួនលុយដែលយកទៅធ្វើផ្លូវ លុយថ្លៃដើមច្បោះជ័រទឹក ព្រមទាំងលុយទិញក្បាលដី ដែលមានក្បាលដីទទឹង៥០ម៉ែត្រគុណ និង បណ្តោយ១០០០ម៉ែត្រ ក្នុងតំម្លៃ១០លានរៀល ដើម្បីយករបាយការណ៍នេះទៅឱ្យលោកអភិបាលខេត្តនិងឱ្យចុះទៅដោះស្រាយជូនដល់ប្រជាពលរដ្ឋទាំង១៧គ្រួសារខាងលើនោះ ។
ពោលអ្នកដំណាងនោះបានសន្យាជាមួយពួកគាត់កាលពីព្រឹកមិញថា រយៈពេលយ៉ាងយូ៧ថ្ងៃទៀតនិងឱ្យគេចុះទៅដោះស្រាយជូនបងប្អូនដែលបានមកតវ៉ាស្នើសំុនៅមុខសាលាខេត្ត ហើយពួកគាត់ក៏បានយល់ព្រមដោយរងចាំមួយសប្តាហ៍ទៀត។ ពលរដ្ឋដដែលបាននិយាយថា បើសិនលោកអភិបាលខេត្តដោះស្រាយជូនពួកគាត់បាននោះ គាត់សប្បាយចិត្តនិងថ្លែងអំណអរគុណដល់លោកអភិបាលខេត្តរកអ្វីព្រៀបធៀបមិនបាននោះឡើយ ។
ស្រ្តីរូបនេះ បានសំណូមពរដល់លោកអភិបាលខេត្ត ទី១ សូមយកក្រដាស់ស្នាមដែលទិញដីពីអ្នកស្រីងិន សារី សំុឱ្យគាត់ប្រគល់មកឱ្យវិញ ទី២ សំុរកដីឱ្យប្រជាពលរដ្ឋមកវិញឱ្យគ្រប់ដែលអ្នកស្រីងិនសារីបានដកយកទៅនោះ ទី៣ អត្តសញ្ញាណប័ណ្ណ អត្រាគល់រដ្ឋាន និងសៀវភៅគ្រួសារដែលអ្នកស្រីងិនសារីបានដកយកទៅសំុឱ្យលោកអភិបាលខេត្តមេត្តាជួយយកឱ្យពួកគាត់វិញផង និង ទី៤លុយ១០០ដុល្លា ដែលអ្នកស្រីងិនសារីថាយកទៅធ្វើផ្លូវនោះសំុឱ្យអ្នកស្រីធ្វើផ្លូវឱ្យបាន ដូចការសន្យាខាងលើ ហើយទំនាស់ដីធ្លីជាមួយពលរដ្ឋ១៧គ្រួសារមិនម៉ែនទើបតែកើតនោះទេ គឺមានរយៈពេលជិត៣ឆ្នាំមកហើយដែលពាក់ព័ន្ធជាមួយអ្នកស្រីងិនសារី រូបនេះឃើញថានៅតែបន្តធ្វើព្យុះភ្លៀងមក លើប្រជាពលរដ្ឋម្តងហើយម្តងទៀត បើសរុបការចំណាយលុយទិញដីនេះបើគិតទៅច្រើនមឺុនដុល្លា អញ្ចឹងហើយទើបពួកគាត់បានសម្រេចចិត្តមកសំុឱ្យគណៈអភិបាលនៃអភិបាលខេត្ត មេត្តាជួយដោះស្រាយនឹងសំរួល ជូនដីដែលពួគគាត់កំពង់រស់នៅ ដូនអនុសាសន៍ របស់សម្តេចប្រមុខរាជរដ្ខាភិបាលហើយ ធ្វើការពិន័យ ឫក៏ផ្តន្ទាដាក់ទោស ចំពោះអ្នកស្រីងិន សារី ម្នាក់នេះទៅតាមផ្លូវច្បាប់ដែលគាត់ធ្វើនេះផ្ទុយទៅនឹងច្បាប់យ៉ាងធ្ងន់ថ្ងរក្នុងករណីបំផ្លាញឯកសារលិខិតបញ្ចាក់កំណើត បំផ្លាញផលដំណាំ នឹងប្រើអំពើហឹង្សាគំរាមគំហែងមកលើពួគគាត់។
ជំុវិញក្នុងរឿងនេះ លោក ម៉ែន គង់ អ្នកនាំពាក្យសាលាខេត្តស្ទឹងត្រែង បានប្រាប់កាលពីល្ងាចថ្ងៃទី២ ខែសីហានេះថា ប្រជាពលរដ្ឋដែលបានតវ៉ាស្នើសំុ នៅមុខសាលាខេត្ត អំពីបញ្ហាទំនាស់ដីធ្លីពាក់ព័ន្ធជាមួយអ្នកស្រីងិន សារី ខាងលើនោះ លោកថាមិនបានដឹងនោះទេព្រោះអីនៅមិនទាន់បានទទួលនៅរបាយការណ៍ពីលោក សែន ពុទ្ធី ដែលជាជំនួយការលេខារងរដ្ឋបាលសាលាខេត្តនោះនៅឡើយទេ ។ ដោយកន្លងមកនេះខាងប្រជាពលរដ្ឋ ដែលពាក់ព័ន្ធមានទំនាស់ដីធ្លីជាមួួយអ្នកស្រីងិនសារី ខាងលើនោះធ្លាប់បានទូរស័ព្ទ មកជាច្រើនដងដែរ សូមឱ្យជួយដោះស្រាយជូនពួកគាត់ផង ។
លោកបានបញ្ជាក់ថា រឿងនេះលោកអភិបាលខេត្តបានចាត់ឱ្យ លោកអភិបាលរងខេត្តម្នាក់និងខាងមន្ទីរដែនដីនគរូបនីយកម្មនិងសំណង់ខេត្តជាអ្នកធ្វើការដោះស្រាយជូនពួកគាត់ហើយ ឱ្យគាត់នៅស្ងៀមសិនទៅ ៕ មាស សុផាត
