សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ បុរសម្នាក់ត្រូវគេប្រទះឃើញចងកសម្លាប់ខ្លួននៅជង្រុកស្រូវ បង្កការភ្ញាក់ផ្អើល រាយការណ៍ជូនសមត្ថកិច្ចមូលដ្ឋានចុះមកពិនិត្យធ្វើកោសល្យវិច័យកាលពីវេលាម៉ោង៦ព្រឹក ថ្ងៃទី៣ ខែសីហាឆ្នាំ២០១៧ ភូមិសម្លរឆៅ ឃុំចន្ត្រី ស្រុករមាសហែក ខេត្តស្វាយរៀង។
សមត្ថកិច្ចនគរបាលថា នគរបាលស្រុក សហការជាមួយនគរបាលជំនាញ និងក្រុមគ្រូពេទ្យបានចុះមកដល់កន្លែងកើតហេតុពិនិត្យ ដែលជនរងគ្រោះឈ្មោះ អ៊ឹម ឡាក់ ភេទប្រុស អាយុ ៦៦ ឆ្នាំ មុខរបរកសិក ភូមិសម្លរឆៅ ឃុំចន្ត្រី ស្រុករមាសហែក។
សាកសពរួចមិនឃើញស្លាកស្នាមជាពើឃាដកម្មអ្វីនោះទេ ជនរងគ្រោះពិតជាបានស្លាប់ដោយចងកនិងអាវយឺតពណ៌សក្រោមផ្ទះដាក់ជង្រុកស្រូវប្រាកដមែន។ អ្នកភូមិប្រាប់សមត្ថកិច្ចថា បុរសខាងលើផឹកស្រាយូរឆ្នាំមកហើយ តែមិនដែលកើតជម្លោះជាមួយគ្រួសារនោះទេ ហើយមិនដឹងយ៉ាងម៉េច ស្រាប់តែគិតខ្លីបញ្ចប់ជីវិតបែបនេះ ។
សាកសពត្រូវសមត្ថកិច្ចធ្វើកំណត់ហេតុប្រគល់ក្រុមគ្រួសារធ្វើបុណ្យតាមប្រពៃណី ៕ យឹម សុថាន
