សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងសមត្ថកិច្ចនៃអធិការដ្ឋាននគរបាលខណ្ឌជ្រោយចង្វាបានចុះបង្ក្រាប និងឃាត់ខ្លួនជនសង្ស័យចំនួន០៥នាក់ ពាក់ព័ន្ធករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិ១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ប្រតិបត្តិការនេះធ្វើឡើងកាលពីម៉ោង០៣:៣០នាទីរសៀល ថ្ងៃទី០៧ ខែសីហា ឆ្នាំ២០១៧នេះ ។
វត្ថុតាងបានដកហូតរួមមាន៖ ក្រាមពណ៌សថ្លា ៤កញ្ចប់តូច (សង្ស័យជាថ្នាំញៀន), ឧបករណ៍ប្រើប្រាស់មួយចំនួន, ទូរស័ព្ទ ៣គ្រឿង និងដាវ ១ដើម។
បច្ចុប្បន្នជនសង្ស័យ និងវត្ថុតាងរក្សានៅអធិការដ្ឋានខណ្ឌជ្រោយចង្វា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ ជ្រោយពេជ្រ
