សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានប្រាប់ក្រុមអ្នករាយការណ៍ព័ត៌មានថា ជនជាតិចិនទាំង ១៦០នាក់នោះ នឹងត្រូវបណ្តេញចេញទៅកាន់ស្រុកកំណើតរបស់ពួកគេវិញ នៅរសៀលថ្ងៃនេះ តាមច្រកព្រលានយន្តហោះ អន្តរជាតិសៀមរាប។
ជនជាតិចិនចំនួន១៦០នាក់ ដែលត្រូវបានសមត្ថកិច្ចចាប់ខ្លួនកាលពីដើមខែសីហា នៅចំណុចភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ក្នុងសំណុំរឿងជម្រិតទារប្រាក់តាមonline ។
កាលពីថ្ងៃទី២ ខែសីហា ឆ្នាំ២០១៧ កន្លងទៅ កម្លាំងនគរបាលអន្តោប្រវេសន៍ បានសហការជាមួយកម្លាំងនគរបាលខេត្តបន្ទាយមានជ័យ ឃាត់ខ្លួនជនសង្ស័យដែលជាជនជាតិចិន ប្រព្រឹត្តបទល្មើស ឆបោក គំរាមគំហែង ជំរិតទារប្រាក់តាមប្រព័ន្ធ បច្ចេកវិទ្យា ទូគមនាគមន៍ (VOIP) យ៉ាងហោចណាស់ជិត ២០០នាក់ ព្រមទាំងបានរឹបអូសវត្ថុតាងប្រព្រឹត្តបទល្មើសមួយចំនួនធំ រួមទាំងបានរកឃើញបញ្ជីឈ្មោះជនរងគ្រោះ នៅប្រទេសចិន ដែលសម្រាប់ពួកគេហៅទូរស័ព្ទទៅគំរាមទារប្រាក់៕
