សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឃួង ស្រេង អភិបាលរាជធានីភ្នំពេញ បានដឹកនាំមន្ដ្រីរាជការក្រោមឱវាទ និងពុទ្ធបរិស័ទចំណុះជើងវត្ត មកចូលរួមកាន់បិណ្ឌវេណទី៨ នៅគ្រួស ក្នុងខណ្ឌព្រែកព្នៅ តាមប្រពៃណីទំនៀម ទម្លាប់ ព្រះពុទ្ធសាសនា ដែលជាសាសនារបស់រដ្ឋ និងបាននាំយកបច្ច័យ ចំនួន១លាន៥សែនរៀល សម្រាប់ ចូលរួមចាត់ចែងធ្វើម្ហូបអាហារ ចង្ហាន់ ប្រគេបព្រះសង្ឃ ក្នុងឱកាសកាន់បិណ្ឌ និងបច្ច័យ សម្រាប់កសាងបង្ហើយ សាលាឆន្ទ ១ខ្នងតំម្លៃ៧០ម៉ឺន ដុល្លារ កាលពីរសៀលថ្ងៃទី ១២ កញ្ញា ឆ្នាំ២០១៧ ។
នៅក្នុងឱកាសនោះ ថ្នាក់ដឹកនាំ និងមន្ត្រី រាជការ បាននាំយកនូវបច្ច័យ និងទេយ្យទានមួយចំនួនប្រគេនដល់ព្រះសង្ឃ ដើម្បីបញ្ជូនកុសលផលបុណ្យ ជូនទៅដល់បុព្វការីជនដែល បានចែកឋានទៅកាន់បរលោក ខាងមុខឲ្យមកទទួល កុសល ផលបុណ្យនេះ រៀងៗខ្លួន ។
តាមទម្លាប់ជាង ៣០ឆ្នាំកន្លងមក លោក ឃួង ស្រេង និងមន្ដ្រីរាជការតែងតែ ធ្វើបុណ្យបញ្ជូនកុសល ជូនដល់បុការីជនដែលបានចែកដានទៅលោកខាងមុខ ឬកាន់បិណ្ឌ ភ្ជុំបិណ្ឌ ក្រៅពីប្រគេនទ័យទាន និងបច្ច័យដល់ព្រះសង្ឃរួចហើយ លោក មិនដែលភ្លេចធ្វើទានជូនជាថវិកា ដល់លោកយាយ ជីលោកតាជី សិស្ស និស្សិត ពិសេសជនទុរគតជន ពីព្រោះជាអ្នកត្រូវការចាំបាច់បំផុត ដែលគេហៅថាអ្នកអត់ឃ្លានពិតប្រាកដ។ សូមឱ្យថ្នាក់ ដឹកនាំទាំងអស់ ដែលមានលទ្ឋភាពហើយបានធ្វើបុណ្យកុំភ្លេចធ្វើទានជាមួយអ្នកអត់ឃ្លានផងដែរ ។
សូមបញ្ជាក់ថា៖ ពិធីបុណ្យភ្ជុំបិណ្ឌជាពិធីបុណ្យដ៏ធំមួយ ក្នុងចំណោមពិធីបុណ្យធំៗផ្សេងទៀត ដែលប្រជាជនកម្ពុជា ប្រារព្ធធ្វើជារៀងរាល់ឆ្នាំ ដោយប្រារព្ធធ្វើឡើងក្នុងរយៈពេល ១៥ថ្ងៃ ចាប់ពីថ្ងៃ១ រោច ខែភទ្របទ រហូតដល់ថ្ងៃ១៥រោច ខែភទ្របទ។ ពិធីបុណ្យនេះគេចាត់ទុកថា ជាពិធីបុណ្យគោរពវិញ្ញាណក្ខន្ធ និងការឧទ្ទិសមគ្គផលជូនដល់បុព្វការីជនដែលបានបែកកាយរំលាយដ្ឋានទៅកាន់បរលោកខាងមុខ ឲ្យមកទទួលព្រមទាំងបានរួចផុតពីបាបកម្មទាំង ឡាយ៕ សំរិត
