សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្ទាវ២ក្រុមប្រដាប់ដោយកាំបិត និងដំបងដុំថ្មបើកឆាកប្រយុទ្ធគ្នាបង្កការភ្ញាក់ផ្អើលដល់ប្រជាពលរដ្ឋ និងសមត្ថកិខ្ខដេញចាប់បាន២នាក់នឹងម៉ូតូ១គ្រឿង។
ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង២០និង៣០នាទី ថ្ងៃទី២៨ ខែកញ្ញា ឆ្នាំ២០១៧ ស្ថិតនៅតាមបណ្ដោយផ្លូវវេងស្រេង ទល់មុខធនាគារកាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី ១-ឈ្មោះ វ៉ាន់ ជីង ភេទប្រុស អាយុ១៦ឆ្នាំ មុខរបរមិនពិតប្រាកដស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែជ័យ មានស្រុកកំណើតនៅភូមិតានង ឃុំកោះសូទិន ស្រុកកោះសូទិន ខេត្តកំពង់ចាម នឹងជនសង្ស័យទី២-ឈ្មោះឡយ សុី ម៉េក ភេទប្រុស អាយុ១៦ឆ្នាំ មុខរបររោងចក្រ បោះពុម្ព ស្នាក់នៅផ្ទះជួល សង្កាត់បឹងត្របែក ខណ្ឌចំការមន ស្រុកកំណើតនៅស្រុកកោះសូទិន ខេត្តកំពង់ចាម។ រីឯម៉ូតូដែលជនសង្ស័យខាងលើជិះម៉ាកនិច ពណ៌ក្រហម ពាក់ស្លាកលេខ ភ្នំពេញ 1BR-7145។
តាមប្រភពព័ត៌មានពីយុវជនទាំង២នាក់បាននិយាយថា នៅមុនពេលកើតហេតុពួកគាត់បាននាំគ្នាមកដើរលេងក្លិប នៅម្តុំកាណាឌីយ៉ាដោយមានគ្នា ៤នាក់ម៉ូតូ២គ្រឿង។ លុះជិះមកដល់កន្លែងកើតហេតុ ស្រាប់តែមានភាគីបង្កមួយក្រុម មានគ្នាជិត១០នាក់ជិះម៉ូតូ៤គ្រឿង មានដាវនឹងកាំបិត ជិះដេញពួកគាត់ ។ បន្ទាប់មកឈ្មោះ វ៉ាន់ ជីងបានយកកាំបិតដែលខ្លួនលាក់ទុក មកដេញទៅលើជនបង្កវិញ តែមិនទាន់បានកាប់ទៅលើមិនទាន់បានម្នាក់ផងត្រូវកម្លាំងនគរបាលដេញចាប់ពួកគាត់ ប៉ុន្តែបក្ខពួករបស់ពួកគាត់២នាក់ទៀតបានជិះម៉ូតូរត់បាត់ ។
ក្រោយពេលកើតហេតុកម្លាំងនគរបាលប៉ុស្តិ៍ចោមចៅនាំយុវជនទាំង២នាក់ខាងលើ សួរនាំនៅប៉ុស្តិ៍នគរបាលរដ្ឋបាលចោមចៅដើម្បីណែនាំព្រមទាំងទាក់ទងអាណាព្យាបាលយុវជនទាំង២នាក់ឲ្យមកធានាយកទៅវិញ៕ សុខាសែនជ័យ
