សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង៨និង៥០នាទីព្រឹក នៅថ្ងៃទី២៩ ខែកញ្ញា ឆ្នាំ២០១៧ លើផ្លូវបុរីកម្មករ(សេតេ)ជិតផ្ទះសំណាក់គឹម ចន្ថា២ ស្ថិតនៅក្នុងភូមិ២ សង្កាត់លេខ៣ ក្រុង/ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កដោយ រថយន្តដឹកទំនិញ១គ្រឿង ម៉ាក HYUNDAI ពណ៌ស ពាក់ស្លាកលេខភ្នំពេញ3C-4685 មានទិសដៅពីកែងរ៉ា ឆ្ពោះទៅ ផ្សារលើ បានបុកម៉ូតូ១គ្រឿងពីក្រោយ ម៉ាក HONDA C125 ពណ៌ខ្មៅ ពាក់ស្លាកលេខព្រះសីហនុ1E-0067 ដែលមានទិសដៅស្របគ្នា ។
គ្រោះថ្នាក់នេះបណ្ដាលឲ្យស្លាប់មនុស្សម្នាក់នៅនឹងកន្លែងកើតហេតុជា អ្នកបើកបរម៉ូតូ ។ ចំណែកអ្នកបើកបររថយន្ត បានគេចខ្លួនបាត់ មុនពេល សមត្ថកិច្ចទៅដល់។
រថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីចាត់ការបន្ត៕ ឆ្លាម សមុទ្រ
