សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ដែលតែងតែផឹកស្រាស្រវឹងជាប្រចាំត្រូវបានដេកស្លាប់ក្នុងផ្ទះដោយសង្ស័យខ្យល់គរ បង្កការភ្ញាក់ផ្អើលកាលពីវេលាម៉ោង១០ព្រឹក ថ្ងៃទី៣០ ខែកញ្ញា ឆ្នាំ២០១៧ នៅផ្ទះលេខ១០០ ផ្លូវលេខ១៩ ភូមិត្រពាំងថ្លឹងសង្កាត់ចោមចៅ២ ខណ្ឌពោធិ៍សែនជ័យ។
ជនរងគ្រោះឈ្មោះ អូម ចាន់ធីតា ភេទស្រី អាយុ៣៥ឆ្នាំ ជាស្ត្រីមេម៉ាយ ស្នាក់នៅកន្លែងកើតហេតុខាងលើ។
តាមសាក្សីបានឲ្យដឹងថា ជារាងរាល់ថ្ងៃនរងគ្រោះតែងតែផឹកស្រាជាប្រចាំ នៅល្ងាចថ្ងៃទី២៩ខែឆ្នាំដដែលនរងគ្រោះបានផឹកស្រាស្រវឹងហើយបានទៅសម្រាកនៅក្នុងផ្ទះចំណែកប្អូនរបស់គាត់បានឡើងទៅសម្រាកនៅជាន់ទី១លុះព្រឹកឡើង ក៏ឃើញជនរងគ្រោះដេកអង្គុយឱនផ្ទុបមុខហើយក៏មិនចាប់អារម្មណ៍ដែររហូតមកដល់វេលាម៉ោង១០ ស្ត្រីជាប្អូនថ្លៃ ក៏បានទៅដាស់ ស្រាប់តែជនរងគ្រោះស្លាប់បាត់ទៅហើយ ទើបរាយការណ៍ទៅអាជ្ញាធរ និងសមត្ថកិច្ចចុះមកពិនិត្យជាក់ស្តែង។
សូមបញ្ជាក់ថា ជនរងគ្រោះមានជំងឺប្រចាំកាយរយះពេល២ឆ្នាំមកហើយ និងតែងតែផឹកស្រាជាប្រចាំផងដែរ។
សមត្ថកិច្ចបានបញ្ជាក់ថាជនរងគ្រោះស្លាប់ដោយសារខ្យល់គរ។ ក្រោយពេលពិត្យរូចសមត្ថកិច្ចបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕ សុខាសែនជ័យ
