ព័ត៌មានទាន់ហេតុការណ៍៖

ឈ្លោះគ្នាជាមួយបងប្អូនជីដូនមួយ រហូតប្រើហិង្សាខឹងឪពុកអត់ជួយរត់ទៅវាយឪពុកបង្កើតបែក​ចិញ្ចើម​ហូរឈាម​ស្រោច​ពេញ​ខ្លួន

ចែករំលែក៖

ភ្នំពេញ ៖ បុរសវ័យចំណាស់ម្នាក់ បានរងរបួសបែក​ចិញ្ចើម បណ្ដាលឲ្យ​ហូរឈាម​ស្រោច​ពេញ​ខ្លួន ខណៈដែរកូនប្រុសបង្កើតរបស់ខ្លួនខឹងនិងឪពុកមិនព្រមជួយឃាត់ពេលកំពុងឈ្លោះគ្នាជាមួយបងប្អូនជីដូនមួយ ដោយវាយតប់គ្នាទៅវិញទៅមកបង្កឲ្យមានការភ្ញាក់ផ្អើលទាំងយប់ ។

ករណីហិង្សាខាងលើនេះ បានកើតឡើង​កាលពី​កាលពី​វេលា​ម៉ោង ១១យប់​ថ្ងៃទី០៩ ខែវិច្ឆិកា ឆ្នាំ២០១៧ ស្ថិតនៅតាម​បណ្ដោយ​ផ្លូវ២២២ ​សង្កាត់​បឹងរាំង ខណ្ឌដូនពេញ ។

យោងតាមប្រភពព័ត៍មានពីសាក្សីនៅកន្លែងកើតហេតុ បានឲ្យដឹងថា មុនពេល​កើតហេតុ​គេ​ឃើញ​ជនដៃដល់ បាន​វាយ​គ្នា​ជាមួយ​បងប្អូន​របស់ខ្លួន ខណៈនោះ ជន​រងគ្រោះដែលត្រូវជាឪពុកបង្កើតរបស់ជនដៃដល់ បាន​អង្គុយ​នៅក្បែរ​កន្លែងកើតហេតុមិនព្រមឃាត់កុំឲ្យឈ្លោះគ្នា ។ ក្នុងហេតុការណ៍នោះ ភាគីខាង​ប្អូន​ដែល​វាយ​គ្នា​ជាមួយ​ជនដៃដល់ បានគេច​ចេញពី​កន្លែងកើតហេតុបាត់ស្រមោល ភ្លាមនោះមិនដឹងជាយ៉ាងម៉េច កូនប្រុសរបស់គាត់ក៏ស្ទុះ ​វាយ​ឪពុក១ដៃ និង​ច្រាន​អោយ​ដួល​បណ្ដាល​ឲ្យ ​បែក​ចិញ្ចើម​ហូរឈាម​ស្រោច​ពេញ​ខ្លួន ដោយសារតែ​ខឹង​រឿងឪពុកមិន​ចូល​ជួយ​ពេលរូបគេ​វាយ​គ្នា​ជាមួយ​បងប្អូន ។

ក្រោយកើតហេតុជនដៃដល់ដែលវាយ​ឪពុកបង្កើត​របស់ខ្លួន​រួច ក៏​បាន​ដើរចូល​ក្នុង​បន្ទប់​ជួល​ធ្វើ​ដូចជាមិនមានរឿងអ្វីកើតឡើងចឹង ហើយបង្កឲ្យមានការភ្ញាក់ផ្អើលដល់សមត្ថកិច្ច​មូលដ្ឋាន​បាន​ចុះ​ដល់​កន្លែងកើតហេតុ​ធ្វើការ​សាកសួរ​ជនរ​ង​គ្រោះ​​ ដោយជនរងគ្រោះសំណូមពរ​ឲ្យ​សមត្ថកិច្ច​ចុះ​ចាប់​កូនប្រុសដៃ​ដល់របស់គាត់ចាត់ការតាមច្បាប់ផងដែរ ៕ ស តារា


ចែករំលែក៖