សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសពីរនាក់បងប្អូនជិះម៉ូតូឌុបគ្នាពីកើតទៅលិច ត្រូវរថយន្តហ៊ីយាន់ដាយបើកមកបុកពីក្រោយពេញទំហឹងបណ្តាល ឲ្យប្អូនស្លាប់ បន្ទាប់ពីបញ្ជួនមកដល់មន្ទីរពេទ្យបង្អែកបារាយណ៍ សន្ទុក ចំណែកបងរងរបួសធ្ងន់ បានបញ្ជួនយកទៅសង្គ្រោះនៅមន្ទីរពេទ្យក្រុងភ្នំពេញ ។
គ្រោះថ្នាក់ចរាចរណ៍នេះ បានបង្កឲ្យមានភាពផ្អើលកាលពី វេលាម៉ោង១៦និង២៩នាទី ថ្ងៃទី៩ ខែវិច្ឆិកា ឆ្នាំ២០១៧ នៅតាមបណ្តោយផ្លូវក្រាលក្រួសក្រហម តំបន់សូងសាង ស្ថិតនៅភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ។
សមត្ថកិច្ចបានឲ្យកាសែតនគរវត្តដឹងថា មុនពេលកើតហេតុ បុរស២នាក់បងប្អូននាំគ្នាជិះ ម៉ូតូឌ្រីម សង់ C125ពណ៌ខ្មៅ ពាក់ស្លាកលេខ កំពង់ធំ 1A 1426 មកដល់កន្លែងកើតហេតុ ក៏ត្រូវរថយន្ដបើកមកបុកពីក្រោយពេញទំហឹងតែម្ដង ធ្វើឲ្យជនរងគ្រោះទី១ ឈ្មោះ សូត ស៊ន ភេទប្រុស អាយុ៤៨ឆ្នាំ រងរបួសធ្ងន់ (បង) ទី២ឈ្មោះ សូត សឿន ភេទប្រុស អាយុ៤២ឆ្នាំ (ប្អូន)បានដាច់ខ្យលើស្លាប់បន្ទាប់ពីបញ្ជួនមកដល់បន្ទីរពេទ្យបង្អែកបារាយណ៍សន្ទុក ទាំង២នាក់មានទីលំនៅភូមិ បន្ទាយចាស់ ឃុំត្នោតជុំ ស្រុកបារាយណ៍ ខេត្តកំពង់ធំ ។ ចំណែក រថយន្តបង្ក ម៉ាក ហ៊ីយីនដាយ ពណ៌ស ពាក់ស្លាកលេខ ភ្នំពេញ 3C 8040 តៃកុងរថយន្តចុះរត់គេចខ្លួនបាត់ស្រមោលមិនទាន់ដឹងអត្តសញ្ញាណ។
ក្រោយកើតហេតុ សមត្ថកិច្ចវាស់វែង កត់កំណត់ហេតុ ប្រមូលវត្ថុតាង អូសរថយន្ត និងម៉ូតូមករក្សាទុកនៅអធិការដ្ឋាន នគរបាលស្រុកសន្ទុក និង ស្រាវជ្រាវរកម្ចាស់រថយន្ដដើម្បីឲ្យចូលខ្លួនមកដោះស្រាយទៅតាមផ្លូវច្បាប់ ។ សាកសពត្រូវសាច់ញាតិធ្វើបុណ្យតាមប្រពៃណី៕ ប៊ុនរិទ្ធី
