សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បទល្មើសដឹកជញ្ជូនឈើមួយរយះនេះ គេទទួលស្គាល់ថា ឈ្មួញហ៊ានគឃ្លើននិងច្បាប់ព្រហើនបំផុត ខណះសមត្ថកិច្ចជាច្រើនស្ថាប័នរាងទន់ដៃទៅៗ សង្ស័យភ្លេចគិតពីតួនាទីភារៈកិច្ច សំងំយកលាភសក្ការៈទាំងកាត់កេរ្តិ៍កាត់ខ្មាស់នោះ..?
ព្រឹកមិញនេះជាឡានដឹកឈើរបស់លោកឧកញ៉ា ល័ក្ខណ៍ មានPCស្របច្បាប់ តែក្នុងPCកំណត់ត្រឹមតែ១៦-១៨ម៉ែត្រគូប។ ផ្ទុយទៅវិញខាងជំនាញលួចពន្យល់ថា៖ ការដឹកឈើនេះយ៉ាងតិច១ឡានមានចាប់ពី៥៥-៦០ម៉ែត្រគូប។ ការដាក់លើសបែបនេះដើម្បីបំពេញសេវាសមត្ថកិច្ចពាក់ព័ន្ធនូវជាក្បាលឡានឬប្រចាំខែ«ទន្សោងគោព្រៃ តូចសុីតូច ធំសុីធំ»ក្លាយជាវប្បធម៍ដ៏អាក្រក់ជ្រុលហួសហេតុពេកហើយ មេត្តាថ្នាក់លើដាក់ភាពសង្ស័យ ឈានដល់ពិនិត្យជាក់ស្តែងផង តើខុសច្បាប់កម្រិតណាករណីលោកឧកញ៉ា ល័ក្ខណ៍ ដឹកឈើទៅវៀតណាមតាមច្រកអន្តរជាតិតាមច្រកអន្តរជាតិត្រពាំងស្រែ-វ៉ាលឺ..?
មេប៉ុស្តិនគរបាលអន្តរប្រវេសន៍ លោក កើត ដារាសុី កាក់កប និងទទួលកម្រៃពីក្បាលឡានដឹកឈើទៅវៀតណាមតាមអន្តរជាតិតាមច្រកអន្តរជាតិត្រពាំងស្រែ-វ៉ាលឺ ស្ថិតក្នុងដែនសមត្ថកិច្ចគ្រប់គ្រងរបស់ខ្លួន។ នេះមិនទាន់គិតពីក្បាលឡានដឹកទំនិញទាំងខ្សែៗ បង់ពន្ធមិនគ្រប់ផង។
លោកឧកញ៉ា ល័ក្ខណ៍ ដឹកឈើទាំងព្រឹកថ្ងៃទី៣០ ខែវិច្ឆិកា ឆ្នាំ២០១៧ មហាជនប្រជាពលរដ្ឋអ្នកធ្វើដំណើរបានថតផ្តិតយករូបភាព និងមានចំងល់ថា៖ «ចុម..មួយឡានផ្ទុកត្រឹមតែ១៦-១៨ម៉ែត្រគូប» ហេតុអីដឹកយ៉ាងខ្ទរស្ទើរស្រុតផ្លូវជាតិ.? នេះបានគេហៅថា៖ អំពើពុករលួយកើតឡើងជាលក្ខណះប្រព័ន្ធមែន៕ ល័ក្ស្មុី
