សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រ្តីម្នាក់ជាមុខសញ្ញាចាស់ ដើរលួចកាបូបនៅក្នុងផ្សារសេរីភាព ត្រូវម្ចាស់ការបូបឃាត់ខ្លួន ទើបប្រគល់ឲ្យសមត្ថកិច្ចខណ្ឌ៧ មករា កាលពីវេលាម៉ោង៩និង១០នាទី ថ្ងៃសុក្រ ១២រោច ខែ មិគសិរ ឆ្នាំរកា នព្វស័ក ព.ស.២៥៦១ ត្រូវនឹង ថ្ងៃទី១៥ ខែធ្នូ ឆ្នាំ២០១៧ នៅចំណុចក្នុងផ្សារសេរីភាព ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យខាងលើឈ្មោះ ជាតិ កែវ ភេទស្រី អាយុ១៧ ឆ្នាំ មុខរបរមិនពិតប្រាកដ មានលំនៅស្រុកត្រាំកត់ ខេត្តតាកែវ។
ជនរងគ្រោះឈ្មោះ ហាក់ ស្រ៊ុន ភេទប្រុស អាយុ៨២ឆ្នាំ ស្នាក់នៅម្ដុំផ្សារសេរីភាព ស្ថិតក្នុងសង្កាត់ អូឫស្សី៣ ខណ្ឌ៧មករា រាជធានីភ្នំពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានគេបានឃើញស្រ្តីជនសង្ស័យបានដើរចុះឡើងដោយបម្រុងធ្វើសម្មភាពលួចយកកាបូប តែត្រូវម្ចាស់ឃើញ ក៏បានចាប់ភ្លាមៗផងដែរ ទើបប្រគល់ឲ្យសមត្ថកិច្ចខណ្ឌ៧មករា។
ក្រោយកើតហេតុ ស្រ្តីជនសង្ស័យត្រូវបាននគរបាលរដ្នបាលប៉ុស្តិ៍វាលវង់យកទៅអធិការដ្ឋាននគរបាលខណ្ឌ៧មករាដើម្បីចាក់ការតាមផ្លូវច្បាប់ ៕ ស រស្មី
