សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ហេតុការណ៍នេះបានកើតឡើងកាលពីថ្ងៃសៅរ៍ ១៣ រោច ខែមិគសិរ ឆ្នាំរកា នព្វស័ក ព.ស. ២៥៦១ ត្រូវនឹង ថ្ងៃទី១៦ ខែធ្នូ ឆ្នាំ២០១៧ នៅលើផ្លូវជាតិលេខ៣ ចន្លោះគីឡូម៉ែត្រ ១៨៨-១៨៩ ស្ថិតនៅក្នុងភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ ។ ជនរងគ្រោះទាំង២នាក់ត្រូវបានគេស្គាល់ថា ជាយុវសិស្សនៃវិទ្យាល័យវាលរេញ ។
តាមប្រភពមន្ត្រីប៉ូលីសបានឲ្យដឹងថា៖ ករណីគ្រោះថ្នាក់ចរាចរណ៍នេះបង្កដោយខ្លួនឯង ជនរងគ្រោះទាំង២នាក់ជិះម៉ូតូម៉ាក HONDA ZOOMER ពណ៌ ខ្មៅ គ្មានស្លាកលេខ បើកបរដោយឈ្មោះ សាន់ វ៉ាន់ឌី ភេទ ប្រុស អាយុ ១៤ឆ្នាំ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ មានអ្នករួមដំណើរម្នាក់ មានទិសដៅពីខេត្តកំពត ឆ្ពោះមក វាលរេញ លុះដល់ចំណុចខាងលើស្ថានភាពផ្លូវកោង ក៏បានរ៉េចង្កូតធ្លាក់ជាយផ្លូវតែម្ដង។
គ្រោះថ្នាក់នេះបណ្ដាលឲ្យ ៖ ១-ឈ្មោះ សាន់ វ៉ាន់ឌី អ្នកបើកបរម៉ូតូ មុខរបរសិស្សថ្នាក់ទី១១-Dវិទ្យាល័យហ៊ុន សែនចាលរេញ មានទីលំនៅភូមិសំរុងក្រោមឃុំសំរុងស្រុកព្រៃនប់( ស្លាប់)ក្រោយបញ្ជូនមកសង្គ្រោះគ្លីនិកឯកជនវាលរេញ ២អ្នករួមដំណើរលើម៉ូតូ មិនស្គាល់អត្តសញ្ញាណ រងរបួសស្រាល។
សពយុវជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ឆ្លាម សមុទ្រ
