សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលប៉ុស្តិ៍ស្រះចក បានធ្វើការឃាត់ខ្លួនជនសង្ស័យម្នាក់ ពីបទរក្សាទុកដោយខុសច្បាប់នូវសារធាតុញៀនកាលពី ថ្ងៃអង្គារ ២កើត ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី១៩ ខែធ្នូ ឆ្នាំ២០១៧នៅផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យត្រូវឃាត់ខ្លួនឈ្មោះ ស៊ុម ដារ៉ូ ភេទប្រុស អាយុ ២១ឆ្នាំ ជនជាតិខ្មែរ មុខរបរ ចុងភៅហាង ចាសស្មីន ស្នាក់នៅក្នុងហាងមិនស្គាល់ទីតាំង។ វត្ថុតាងចាប់យកមាន ក្រាមពណ៌សថ្លាសង្ស័យជាគ្រឿងញៀន ចំនួន ៣កញ្ចប់, ទូរសព្ទ័ដៃ ១គ្រឿង ម៉ាកសូនីពណ៌ខៀវ, លុយខ្មែរ ២០០០រៀល, ម៉ូតូ ១គ្រឿង ម៉ាក Zoomer.x ពណ៌ក្រហមលាយស ពាក់ស្លាកលេខ តាកែវ ១N.៣៤១។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឧដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕ ស រស្មី
