សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ កាលពីល្ងាចថ្ងៃព្រហស្បតិ៍ ៤កេីត ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ខែឆ្នូ ឆ្នាំ២០១៧ កម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងជំនាញអធិការដ្ឋាននគរបាលស្រុកចំការលេី ដឹកនាំដោយលោក វរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀន បានបើកប្រតិបត្តិការបង្ក្រាបករណីជួញដូរ និងប្រេីប្រាស់ដោយខុសច្បាប់នូវសារធាតុញៀន ក្នុងនោះឃាត់មនុស្ស៩នាក់ ។
ប្រតិបត្តិការនេះធ្វើឡើងនៅចំណុចភូមិលេខ២ ឃុំចំការអណ្តូង ស្រុកចំការលេី ខេត្តកំពង់ចាម ។
លោក វរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀនបានឧ្យដឹងថា ជនសង្ស័យដែលរងការឃាត់ខ្លួនទាំង៩នាក់មានឈ្មោះ
១-ឈ្មោះ អេង អាង ភេទប្រុស អាយុ២៦ឆ្នាំ នៅភូមិលេខ១ ឃំុចំការអណ្តូង ស្រុកចំការលេី ខេត្តកំពង់ចាម(ចែកចាយ)
២-ឈ្មោះ ថុន ផាន់ណាក់ ភេទប្រុស អាយុ២៤ឆ្នាំ ភូមិលេខ២ ចំការអណ្តូង ស្រុកចំការលេីខេត្តកំពង់ចាម
៣-ឈ្មោះ ឌីម សកល ភេទប្រុស អាយុ១៧ឆ្នាំ នៅភូមិរោងចក្រ ឃំុចំការអណ្តូង ស្រុកចំការលេី
៤-ឈ្មោះ សុខ ហ៊ាង ហៅ ម៉ាប់ ភេទប្រុស អាយុ២២ឆ្នាំ នៅភូមិត្រពាំងឫស្សី ឃំុដងក្តារ ស្រុកសន្ទុក ខេត្តកំពង់ធំ
៥-ឈ្មោះ ហេង ជា ភេទប្រុស អាយុ២៨ឆ្នាំ នៅភូមិត្រពាំងឫស្សី ឃំុដងក្តារ ស្រុកសន្ទុក ស្រុកកំពង់ធំ
៦-ឈ្មោះ សឹុម សី ភេទប្រុស អាយុ២៤ឆ្នាំ នៅភូមិល្វាជេីង ឃំុល្វាលេី ស្រុកចំការលេី ខេត្តកំពង់ចាម
៧-ឈ្មោះ បាន សីហា ភេទប្រុស អាយុ២៤ឆ្នាំ នៅភូមិល្វាជេីង ឃំុល្វាលេី ស្រុកចំការលេី ខេត្តកំពង់ចាម
៨- ឈ្មោះ មិន ធារី ភេទប្រុស អាយុ២៤ឆ្នាំ នៅភូមិថ្នល់បែកលិច ឃំុស្វាយទាប ស្រុកចំការលេី ខេត្តកំពង់ចាម
៩-ឈ្មោះ ម៉ាង ឈុនអីុ ភេទប្រុស អាយុ២៥ឆ្នាំ នៅភូមិថ្នល់បែកលិច ឃុំស្វាយទាប ស្រុកចំកាលើ ខេត្តកំពង់ចាម ។
លោកបន្តថា ក្រោយការឃាត់ខ្លួន សមត្ថកិច្ចបានរកឃើញ វត្ថុតាងដែលជាថ្នាំញៀន០៤កញ្ចប់, ម៉ូតូ០៦គ្រឿង , ទូរស័ព្ទ ៨គ្រឿង ,កាំបិតចំនួន០១ ,លោហ:ធាតុពណ៌លឿងចំនួន០២ខ្សែរ(ខ្សែដៃ០១ខ្សែរ ខ្សែរ ក ០១ខ្សែរ) និង ថង់ប្លាស្ទិចសម្រាប់ច្រកថ្នាំញៀនមួយចំនួនទៀត ។
បច្ចុប្បន្ន ជនសង្ស័យរួមនិងវត្ថុតាងខាងលើ សមត្ថកិច្ចបាន រៀបចំឯកសារបញ្ជូនបន្ត ដើម្បីផ្តន្ទាទោសតាមច្បាប់ ៕វណ្ណៈ
