សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចខណ្ឌជ្រោយចង្វា សហការជាមួយប៉ុស្តិ៍ ឃាត់ខ្លួនជ្រោយចង្វាឃាត់ខ្លួនជនសង្ស័យប្រើប្រាស់គ្រឿងញៀន២នាក់ត្រូវកាលពីម៉ោងជាង៩យប់ថ្ងៃព្រហស្បតិ៍ ៤កើត ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២១ ខែធ្នូ ឆ្នាំ២០១៧ ស្ថិតនៅត្រង់ចំណុចផ្លូវកែវចិន្ដា ភូមិ០៣ សង្កាត់ខណ្ឌ ជ្រោយចង្វា។
សមត្ថកិច្ចបានឲ្យដឹងថា ជនសង្ស័យចំនួន០២នាក់ នោះ ១/ឈ្មោះ អូន ជាតិ អាយុ២១ឆ្នាំ ជនជាតិខ្មែរ ស្នាក់ភូមិព្រែកដូនហើម ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល មុខរបរជានេសាទត្រី។ ២/ឈ្មោះ មិត សាល់ អាយុ២៩ឆ្នាំ ជនជាតិខ្មែរ ។ ស្នាក់នៅ ភូម បឹងកុក ឃុំបឹងកុក ស្រុកកំពង់ចាម ខេត្តកំពង់ចាម។ ព្រមទាំងដកហូតបានវត្ថុតាងរួមមាន ក្រាមពណ៌សថ្លា សង្ស័យជាគ្រឿងញៀនចំនួនពីរកញ្ចប់តូចនិងម៉ូតូមួយគ្រឿងម៉ាកហុងដា CLiCK ពណ៌ក្រហម ពាក់ស្លាកលេខ ភ្នំពេញ 1R 5727។
សមត្ថកិច្ចបានអោយដឹងថា នៅមុនឃាត់ជនសង្ស័យទាំងពីរនាក់កម្លាំងប៉ុស្តិ៍បានជិះល្បាតដើម្បីការពារ សន្តិសុខនៅក្នុងមូលរដ្ឋានលុះមកដល់ចំណុចខាងលើក៏ឃើញជនសង្ស័យទាំងពីរនាក់កំពុងសំងំប្រើប្រាស់គ្រឿងញៀននៅក្នុងកំពោតព្រៃក៏ឃាត់ខ្លួន។ វត្ថុតាងដកហូតបានរួមមានថ្នាំញៀនប្រភេទក្រាមពណ៌សថ្លា ២កញ្ចប់តូច និងម៉ូតូ១គ្រឿងនាំយកមកប៉ុស្តិ៍ជ្រោយចង្វារដើម្បីសាកសួរបន្ត។
បច្ចុប្បន្ន ជនសង្ស័យនិងវត្ថុតាងត្រូវឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌជ្រោយចង្វា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ ជ្រោយពេជ្រ
