មនុស្សប្រុស២នាក់បានស្លាប់នៅកន្លែងកេីតហេតុដោយសារថយន្តបុកពីក្រោយ

ប៉ោយប៉ែតៈ សេចក្តីរាយការណ៍បានឲ្យដឹងថា មនុស្ស២នាក់ត្រូវរថយន្តបុកស្លាប់ នៅលើកំណាត់ផ្លូវជាតិ៦ ស្ថិតនៅភូមិ សាលាក្រៅ សង្កាត់ភ្នៀត ក្រុងសិរីសោភ័ណខេត្តបន្ទាយមានជ័យកាលពី ថ្ងៃអង្គារ ៩កេីត ខែបុស្ស ឆ្នាំរកា នព្វសក័ ព.ស. ២៥៦១ ត្រូវនឹងថ្ងៃទី២៦ ខែធ្នូ ឆ្នាំ ២០១៧ វេលាម៉ោង ១៤និង១៥នាទី ។

សមត្ថកិច្ចមូលដ្ឋានថា ជនរងគ្រោះទាំងពីរនាក់ ១.ឈ្មោះ រី​លីណា ណារ័ក្ស អាយុ១៤ឆ្នាំ និង២. ធឿន វណ្ណសី អាយុ១៥ឆ្នាំ បុរសទាំង២នាក់រស់នៅសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ មុនពេលកើតហេតុអ្នកទាំង២បានជិះម៉ូតូម៉ាកឌ្រីម សេ ១២៥ ពណ៌ខ្មៅ ពាក់ស្លាកលេខ (បន្ទាយមានជ័យ1N.6893) សេរីឆ្នាំ ២០១៦ បើកបរក្នុងទិសដៅពីកើតទៅលិច ត្រូវបានរថយន្តធុហ៊ីយ៉ានដាយពណ៌ស ពាក់ស្លាកលេខ (តាកែវ3A.1735) សណ្តោងរ៉ឺម៉ក បើកបរស្របទិសគ្នា បានបុកពីក្រោយបណ្ដាលឧ្យយស្លាប់នៅនឹងកន្លែងកេីតហេតុ។

លោកវរសេនីយ៍ត្រី យ៉ាន់ សុវណ្ណ បានបញ្ជក់ថា​ អ្នកបើករថយន្តបងរ្កឈ្មោះយ៉ុង សុរាប ភេទប្រុស អាយុ២៥ឆ្នាំ​ រស់នៅភូមិត្រែង សង្កាត់ថ្កូវ ក្រុងកំពងត្របែក ខេត្តព្រៃវែង បើកបរក្នុងល្បឿនលឿន ខ្វះការប្រុងប្រយ័ត្នបានបុកម៉ូតូខាងលើធ្វេីអោយបុរសពីរនាកកំពុងជិះម៉ូតូបាត់បង់ជីវិតតែម្ដង ។

ក្រោយពីកើតហេតុរថយន្តនិងម៉ូតូត្រូវបាននគរបាលជំនាញវាស់វែង យកទៅរក្សាទុកនៅស្នងការដ្ឋាននគរបាលខេត្ត ដើម្បីដោះស្រាយនៅពេលក្រោយ៕ វណ្ណា