សារព័ត៌មាន នគរវត្ត តែងតែនាំមុខគេជានិច្ច
ចិនមានសុទិដ្ឋិនិយម នៅក្នុងវិស័យ សេដ្ឋកិច្ចពាណិជ្ជកម្មរបស់ខ្លួនដោយបានកំណត់គោលដៅ ឲ្យក្លាយជាប្រទេស មហាអំណាច ពាណិជ្ជកម្ម សកលនៅ ក្នុងឆ្នាំ២០៣៥។ ការកំណត់គោលដៅ ខាងលើក្នុងពេលដែលវិស័យពាណិជ្ជកម្ម របស់ចិនកំពុងតែរីកចម្រើនយ៉ាងខ្លាំង។ ដោយចិនបានបង្កើនទំនាក់ទំនងពាណិជ្ជកម្មនៅជុំវិញពិភពលោក។
រដ្ឋមន្ត្រីពាណិជ្ជកម្មចិន បាននិយាយថា ប្រទេសចិនបានកំណត់គោលដៅ នៃ ការកសាងខ្លួនឯង ឲ្យទៅជាមហាអំណាច ពិភពលោក ក្នុងការធ្វើពាណិជ្ជកម្មអន្ដរ ជាតិ នៅត្រឹមឆ្នាំ២០៣៥ តាមរយៈកំណែ ទម្រង់និងកែលម្អ រចនាសម្ព័ន្ធពាណិជ្ជកម្ម រួមបញ្ចូលទាំងការធ្វើឲ្យប្រសើរឡើង នូវគុណភាពនៃទំនិញ និងសេវាកម្មដែល ត្រូវ ប្រើប្រាស់នៅទីផ្សារក្នុងស្រុក និងការ បង្កើនគុណភាព នៃការវិនិយោគ នេះបើ យោងតាមការចេញផ្សាយ ពីគេហទំព័រ ឆាយណាដេលី នៅថ្ងៃទី២៦ ខែធ្នូ ឆ្នាំ ២០១៧ ។
យោងតាមរដ្ឋមន្ត្រី លោក Zhong Shan បានឲ្យដឹងថា ការវិនិយោគនៅក្រៅ ប្រទេស តាមលំដាប់លំដោយក្នុងឆ្នាំ ២០១៨ ដើម្បីឈានដល់គោលដៅ រយៈ ពេលវែង ក្រសួងពាណិជ្ជកម្មដំបូង ត្រូវ បង្កើនតួនាទីរបស់ប្រទេសចិន ជាដៃ គូពាណិជ្ជកម្មដ៏សំខាន់មួយ នៅមុនឆ្នាំ ២០២០ និងដាក់ពង្រាយធនធាន បន្ថែមទៀតរក្សាកំណើនសេដ្ឋកិច្ច អចិន្ត្រៃយ៍ ធ្វើឲ្យការប្រើប្រាស់ វិនិយោគទុនបរទេស មានប្រសិទ្ធិភាព និងធានាដល់ក្រុមហ៊ុន ចិន ។
លោកបន្តថា “នៅឆ្នាំក្រោយប្រទេស ចិននឹងបន្តធ្វើ ឲ្យស៊ីជម្រៅកិច្ចសហប្រតិ បត្តិការ និងភាពជាដៃគូជាមួយបណ្តា ប្រទេសសេដ្ឋកិច្ចទាក់ទងទៅនឹងគម្រោង Belt និង Road និងរៀបចំការតាំងពិព័រណ៍ នាំចូលអន្ដរជាតិដើម្បី ជំរុញពាណិជ្ជកម្ម និងជំរុញការវិនិយោគ”។
លោកបានមានប្រសាសន៍ថា អាទិភាព ផ្សេងទៀតរបស់ក្រសួង ក្នុងរយៈពេល ៥ឆ្នាំខាងមុខ រួមមានការប្រើប្រាស់ម៉ាស៊ីន កំណើនពាណិជ្ជកម្មក្នុងតំបន់ ការជំរុញ សន្ទុះពាណិជ្ជកម្មថ្មី នៅក្នុងផលិតផល និង សេវាកម្មកម្រិតខ្ពស់ ការបង្កើតពិធីសារ ពាណិជ្ជកម្មទ្វេភាគី និងពហុភាគីថ្មី។
ការសម្រេចគោលដៅមធ្យម នៃការ ធ្វើជាអ្នកដើរតួពាណិជ្ជកម្ម ដ៏សំខាន់មួយ នៅត្រឹមឆ្នាំ ២០២០ នឹងបង្ហាញថា ប្រទេសចិនមានភាពរឹងមាំ គ្រប់គ្រាន់នៅ ក្នុងផ្នែកជាច្រើន នៃការជួញដូរសកល លោក ប៉ុន្តែនៅតែមានមធ្យោបាយ ខ្លះ ដើម្បីទៅប្រទេសចិន ដើម្បីក្លាយជា ប្រទេស ដែលមានអំណាចជួញដូរ សកល ដ៏ពិតប្រាកដ ។
លោក Ma Yu អ្នកស្រាវជ្រាវជាន់ខ្ពស់ នៃបណ្ឌិត្យសភាអន្តរជាតិ នៃកិច្ចសហប្រតិបត្តិការពាណិជ្ជកម្ម និងសេដ្ឋកិច្ចបាន និយាយថា បញ្ហា និងបញ្ហាប្រឈម ដែល ខ្លួនអាចប្រឈមមុខ រួមមានបញ្ហាពលកម្ម បញ្ហាបរិស្ថាន បញ្ហាកង្វះខាតបច្ចេក វិទ្យាស្នូល និងការការពារពាណិជ្ជកម្ម៕ ម៉ែវ សាធី
