សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ ត្រូវបានកម្លាំងនគរបាលប៉ុស្តិ៍រដ្ឋបាលសង្កាត់ទឹកថ្លា ឃាត់ខ្លួនបន្ទាប់ពីត្រួតពិនិត្យរកឃើញមានក្រាមថ្លាសចំនួន៤កញ្ចប់តូច នៅជាប់ខ្លួនពួកគេកាលពីយប់ឈានចូលថ្ងៃព្រហស្បតិ៍ ៣រោច ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៤ ខែមករា ឆ្នាំ២០១៨ វេលាម៉ោង១និង៣០នាទី តាមបណ្តោយផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ។
សមត្ថកិច្ចប្រាប់ថា ជនសង្ស័យដែលឃាត់ខ្លួននោះទី១ឈ្មោះ លឹម ធារ៉ា អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ ។ទី២ ឈ្មោះកែវ វេហា អាយុ១៨ឆ្នាំ មុខរបរមិនពិតប្រាកដ ស្នាក់នៅផ្លូវបេតុង ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ។ ទី៣ ឈ្មោះ ម៉ៅ ណូរិន អាយុ៣៥ឆ្នាំ មុខរបរមិនពិតប្រាកដ ស្នាក់នៅភូមិប៉ប្រកខាងជើង សង្កាត់កាកាប១ ខណ្ឌពោធិ៍សែនជ័យ។
សមត្ថកិច្ចឱ្យដឹងថា មុនឃាត់ខ្លួនក្រុមជនសង្ស័យខាងលើ កម្លាំងនគរប៉ុស្តិ៍ទឹកថ្លាល្បាតក្នុងមូលដ្ឋានដើម្បីទប់ស្កាត់បទល្មើសផ្សេងៗហើយក៍ឃើញក្រុមសង្ស័យ៣នាក់ជិះម៉ូតូមួយគ្រឿម៉ាកSUZUKI nex ពណ៌ស ពាក់ស្លាកលេខ ពោធិសាត់ 1A-4891ជិះឌុបគ្នាគួឲ្យសង្ស័យក៍ឃាត់ត្រូតពិនិត្យស្រាប់តែឃើញថ្នាំញៀនប្រភេទក្រាមសថ្លាចំនួន៤កញ្ចប់នៅជាប់ខ្លួនឈ្មោះម៉ៅ ណូរិន ក៏ឃាត់ខ្លួនពួកគេមកកាន់អធិការដ្ឋាននគរបាលខណ្ឌសែនសុខដើម្បីសាកសួរ( មានសារធាតុញៀនទាំង៣នាក់)។
បច្ចុប្បន្នជនសង្ស័យទាំង៣នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមនីតិវិធី ៕ តុង សីហា
