សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ កាលពីរសៀលថ្ងៃសុក្រ ៨រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី៩ ខែមីនា ឆ្នាំ ២០១៨ គោយន្តមួយគ្រឿងដឹកទំនិញចេញពីផ្សារថៃ ចុះពីលើភ្នំ ក៏ក្រឡាប់បណ្តាលឲ្យរបួសចំនួន៤នាក់។
គ្រោះថ្នាក់ចរាចរណ៍បង្កដោយខ្លួនឯងនេះ បានកើតឡើងនៅស្ថិតនៅចំណុចជំរាលភ្នំកែង ខ្ទមអ្នកតាភូមិជប់គគីរ ឃុំអំពិលស្រុកបន្ទាយខេត្តឧត្តរមានជ័យ ។
ករណីខាងលើនេះ អ្នករងរបួសឈ្មោះ ធៀប ធិន ភេទប្រុស អាយុ៣២ ឆ្នាំ រស់នៅភូមិចុងកាល់ ឃុំចុងកាល់ ស្រុកចុងកាល់ ខេត្តឧត្តរមានជ័យ,ឈ្មោះ ធៀប ទ្រាត ភេទប្រុសអាយុ ៣៥ឆ្នាំ រស់នៅភូមិចុងកាល់ ឃុំចុងកាល់ ស្រុកចុងកាល់ ខេត្តឧត្តរមានជ័យ, ឈ្មោះ រឹត ត្រេត ភេទស្រី អាយុ ៣០ ឆ្នាំ រស់នៅភូមិចុងកាល់ ឃុំចុងកាល់ ស្រុកចុងកាល់ ខេត្តឧត្តរមានជ័យ និងឈ្មោះ ធិន ស្រីហម ភេទស្រីអាយុ ២៤ឆ្នាំ រស់នៅភូមិចុងកាល់ ឃុំចុងកាល់ ស្រុកចុងកាល់ខេត្តឧត្តរមានជ័យ (របួសធ្ងន់) ។
មូលហេតុតៃកុងបើកបរក្នុងល្បឿនលឿនខ្វះការប្រុងប្រយ័ត្ន។
បច្ចុប្បន្ន ជនរងគ្រោះដែលរងរបួសធ្ងន់ត្រូវបានរថយន្ត សង្គ្រោះរបស់ថៃដឹកយកទៅព្យាបាលនៅមន្ទីរពេទ្យស្រុកបានក្រួតខេត្តបុរីរាំ៕ ប៉ែន នួន
