សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កាលពីវេលាម៉ោង ៣ និង១០នាទីរសៀល ថ្ងៃសុក្រ ៨រោច ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៩ ខែមីនា ឆ្នាំ២០១៨ មានហេតុការណ៍គ្រោះថ្នាក់ចរាចរណ៍មួយបានកើតឡើងរវាងរថយន្ដ កាមរីបើកបុកគោយន្តកន្ត្រៃពីក្រោយពេញទំហឹង ក្នុងទិសដៅស្របទិសគ្នា នៅលើកំណាត់ផ្លូវជាតិលេខ៦២ ម្ដុំរោងចក្រឡាំងសុង ក្នុងភូមិត្រពាំងចំបក់ ឃុំតត្រពាំងឫស្សី ស្រុកកំពង់ស្វាយ ខេត្តកំពង់ធំ បណ្ដាលឲ្យអ្នករួមដំណើរក្នុងរថយន្ដ ស្លាប់ពេលបញ្ជូនដល់មន្ទីរពេទ្យ និង៣នាក់ទៀតរងរបួសស្រាល ។
សមត្ថកិច្ចបានឲ្យដឹងថា ( គ្រោះថ្នាក់នេះបង្កឡើងដោយសារអ្នកបើកបររថយន្ដកាមរី ស្រវឹងស្រាជោកជាំ)បើកបុកគោយន្តកន្ត្រៃដឹកអុសពីក្រោយ បង្កឲ្យរងរបួសស្រាល និងអ្នករួមដំណើរក្នុងរថយន្ដ ម្នាក់ស្លាប់ពេលបញ្ជូនដល់មន្ទីរពេទ្យ ខាងគោយន្តពីរនាក់ របួសស្រាល ។
រថយន្តម៉ាកកូរ៉ូឡាពណ៍ស្លែពាក់ស្លាកលេខកំពង់ធំDA០៣២៦បើកបរដោយឈ្មោះ ជា ភ័ក្ត្រា ភេទប្រុស ឣាយុ២២ឆ្នាំ នៅភូមិចំបក់ សង្កាត់ស្រយ៉ូវ ក្រុងស្ទឹងសែន(របួសស្រាលបានឃាត់ខ្លួន) ឣ្នករួមដំណើរឈ្មោះ លី ឡាំប៉ូ ភេទប្រុស ឣាយុ២៣ឆ្នាំនៅភូមិស្ទឹងសែន សង្កាត់កំពង់ក្របៅ ក្រុងស្ទឹងសែន (ស្លាប់) ។
ឣ្នកបើកបរគោយន្តឈ្មោះ ហុក ម៉ៅ ភេទប្រុស ឣាយុ៣១ឆ្នាំនៅភូមិ ប្តៀក ឃុំសាលាវិស័យ ស្រុកប្រាសាទបល័ង្គ (របួសធ្ងន់) ក្រោយកើតហេតុសមត្ថកិច្ចបញ្ជូនជនរងគ្រោះទៅមន្ទីរពេទ្យ និងចុះវាស់វែងធ្វើកំណត់ហេតុប្រមូលវត្ថុតាងយកទៅរក្សាទុកនៅអធិការដ្ឋាននគរបាលស្រុកកំពង់ស្វាយ រង់ចាំដំណោះស្រាយគ្នាជាក្រោយ ៕ ប៊ុនរិទ្ធី
