សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថក្រោះ និងរថពាសដែករបស់កងទ័ពចិនចំនួន៨គ្រឿង ព្រមទាំងគ្រឿងយុទ្ធោបករណ៍មួយចំនួនទៀត ត្រូវបានដឹកតាមកប៉ាល់មកដល់កំពង់ផែក្រុងព្រះសីហនុហើយកាលពីព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៥ ខែមីនា ឆ្នាំ២០១៨ ។
ក្រោយដឹកមកដល់ភ្លាម រថក្រោះ រថពាសដែក ទាំងនោះ ត្រូវបានបញ្ជូនភ្លាមៗទៅកាន់ទីតាំងសមយុទ្ធស្ថិតក្នុងតំបន់ភ្នំម្រះព្រៅ ក្នុងខេត្តកំពង់ស្ពឺ។
គួរបញ្ជាក់ដែរថា កាលពីប៉ុន្មានថ្ងៃមុននេះ ឧទ្ធម្ភាចក្រកងទ័ពចិនចំនួន៣គ្រឿង ក៏បានមកដល់ទីក្រុងភ្នំពេញដែរដើម្បីចូលរួមក្នុងលំហាត់សមយុទ្ធដេលគ្រោងធ្វើនៅថ្ងៃទី១៧ មីនា ខាងមុខ ក្រោយពីបានហោះហើរពីប្រទេសចិនមកចុះចតនៅខេត្តសៀមរាប។
សមយុទ្ធយោធារវាងកងទ័ពកម្ពុជាដែលមានឈ្មោះថា នាគមាស២០១៨ គ្រោងនឹងធ្វើចាប់ពីថ្ងៃទី១៧ ដល់ថ្ងៃទី៣០ ខែមីនា ដោយមានការចូលរួមពីកងទ័ពកម្ពុជាចំនួន២៨០នាក់ និងចិន១៩០នាក់ ៕
