សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តម៉ាកគាមួយគ្រឿងបើកបរក្នុងល្បឿនយ៉ាងលឿនបានរេចង្កូត ជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យអ្នកបើកបរនឹងអ្នករួមដំណើរ៣នាក់ បានរងរបួសស្រាល ចំណែករថយន្តដាច់កាឡេកង់មុខខាងឆ្វេងទៅមុខលែងរួច ។
ហេតុការណ៍នេះកើតឡើងកាលពីម៉ោងជិត៤ទៀបភ្លឺ ថ្ងៃអាទិត្យ ២កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៨ ខែមីនា ឆ្នាំ២០១៨ ស្ថិតនៅចំណុចមុខមន្ទីពេទ្យលោកសង្ឃហៅព្រះកុសុមៈ តាមបណ្តោយផ្លូវលេខ២៧១ ភូមិត្រពាំឈូកសង្កាត់ទឹកថ្លាខណ្ឌសេនសុខ ។
រថយន្តបង្កម៉ាកគារ ពណ៌សរ ពាក់ស្លាកលេខ ភ្នំពេញ2Y-7949 អ្នកជិះក្នុងរថយន្តទាំងអស់៣នាក់មិនត្រូវបានគេស្គាល់អត្តសញ្ញាណនោះទេ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់ និងអ្នករួមដំណើរ២នាក់ ធ្វើដំណើរតាមបណ្តោយផ្លូវលេខ២៧១ក្នុងទិសដៅពីជើងទៅត្បូងក្នុងល្បឿនយ៉ាងលឿន ខណៈមកដល់ចំណុចកើតហេតុខាងលើបានរេចង្កូតជ្រុលទៅបុករបាំងថ្មពុះចែកទ្រូវផ្លូវពេញទំហឹងបណ្តាលឲ្យអ្នកបើកបរ និងរួមដំណើរ៣នាក់រងរបួសស្រាល ចំណែករថយន្តដាច់កាឡេកង់មុខខាងឆ្វេងទៅមុខលែងរួច ។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ រួចបានទំនាក់ទំនងទៅសមត្ថកិច្ចជំនាញចរាចរយករថយន្តស្ទូចរថយន្តបង្កគ្រោះថ្នាក់ទៅរក្សា ទុកនៅការិយាល័យចរាចរផ្លូវគោករាជធានីភ្នំពេញរង់ចាំដោះស្រាយសំណងជាក្រោយ ៕ ជ្រោយពេជ្រ
