ព័ត៌មានទាន់ហេតុការណ៍៖

សមត្ថកិច្ចនគរបាលខណ្ឌជ្រោយចង្វាឃាត់ខ្លួនយុវជន​ម្នាក់​​ពាក់ព័ន្ធករណីប៉ុនប៉ង​រំលោភ​សេពសន្ថវៈ

ចែករំលែក៖

ភ្នំពេញ ៖ យុវជន​ម្នាក់​បានធ្វើ​សកម្មភាព​ប៉ុនប៉ង​រំលោភ​ជនរងគ្រោះ​តែ​នាង​រើ​បម្រាស់​រត់ចេញ​ពី​កន្លែងកើតហេតុ បង្ក​ការភ្ញាក់ផ្អើល​ដល់​សមត្ថ​កិច្ច ​និង​ត្រូវបាន​សមត្ថកិច្ច​ឃាត់ខ្លួន​បន្ទាប់ពី​ទទួល​ពាក្យបណ្តឹង​ពី​នារី​រងគ្រោះ ដែលហេតុការណ៍​នេះបង្កការភ្ញាក់ផ្អើល​ឡើង​កាលពី​រសៀល ថ្ងៃសៅរ៍ ១កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៧ ខែមីនា ឆ្នាំ២០១៨ នៅ​ចំណុច​ផ្ទះសំណាក់​អា​ហ្វា ក្រុម៤ ភូមិ​បាក់​ខែង សង្កាត់​ព្រែកលៀប ខណ្ឌ​ជ្រោយចង្វា រាជធានី​ភ្នំពេញ ។

សមត្ថកិច្ចបានឲ្យដឹងថា ជនសង្ស័យ​ឈ្មោះ ហម សុខ​វី អាយុ២៤ឆ្នាំ មុខរបរ បើក​តាក់ស៊ី អ​ស័​យ​ដ្ឋា​ន​ផ្លូវ២៧ សង្កាត់​បឹង​សាឡាង ខណ្ឌទួលគោក រាជធានី​ភ្នំពេញ ជិះ​រថយន្ត​ម៉ាក​ហ៊ីយ៉ាន់ដាយ ពណ៌​ខ្មៅ ពាក់​ស្លាក​លេខAT17 2. 0507។នារី​រងគ្រោះ​ឈ្មោះ អ ក ម ត អាយុ១៨ឆ្នាំ មុខរបរ បុគ្គលិក​ក្រុមហ៊ុន​Bhip លក់​អាហា​បំប៉ន អ​ស័​យ​ដ្ឋា​ន​សង្កាត់​កា​កាប ខណ្ឌ​ពោធិ៍​សែន​ជ័យ មាន​ស្រុកកំណើត ខេត្តកណ្តាល។

នៅ​មុនពេល​កើតហេតុ យុវជនម្នាក់បានបើករថយន្ត​ចូលក្នុង​បរិវេណ​ផ្ទះសំណាក់​ខាងលើ បានមួយសន្ទះុ​ក្រោយមក​មិនដឹង​ជា​យ៉ាង​មិច​ក៏​ឃើញ​អ្នក​ទាំង២ប្រតាយប្រតប់​គ្នា​នៅ​បរិវេណ​ផ្ទះសំណាក់ ដោយ​នាង​មិន​ព្រម​ចូល​ក្នុងបន្ទប់​ជាមួយ​ឡើយ​ ដោយនារីរងគ្រោះ​នាង​តោង​បង្គោល​ដែក ហើយ​រើ​បម្រាស់​និង​ឃើញ​មាន​របួស​ជើង​ផងដែរ រួច​រត់​ចេញពី​បរិវេណ​ផ្ទះសំណាក់​ទៅផ្ទះ​ប្រជាពលរដ្ឋ​ចម្ងាយ​ប្រហែល១០០ម៉ែត្រ​ពី​កន្លែងកើតហេតុ​។

បន្ទាប់ពីកើតហេតុរួចជនសង្ស័យ​បានចេញទៅតាមនារីរងគ្រោះម្តងទៀតដោយលួង​លោម​ជនរងគ្រោះ​ឲ្យ​ឡើង​ជិះ​រថយន្ត​ត្រឡប់មក​ផ្ទះសំណាក់វិញ ហើយ​ជនសង្ស័យ​ខាងលើ​បានធ្វើ​សកម្មភាព​ប៉ុនប៉ង​ចាប់រំលោភ​ជនរងគ្រោះ តែ​ត្រូវ​ជនរងគ្រោះ​ស្រែក​ឆោឡោ​ឲ្យ​គេ​ជួយផ្អើលដល់ប្រជាពលរដ្ឋ​ប្តឹង​សមត្ថកិច្ច​ចុះទៅ​អន្តរា​គម​ន៍​ឃាត់ខ្លួន​ជនសង្ស័យ​នាំយកមក​អធិការដ្ឋាន​នគរបាល​ខណ្ឌ​ជ្រោយចង្វា ដើម្បីសាកសួរ​​ ៕ ជ្រោយពេជ្រ


ចែករំលែក៖