សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសអ្នកជិះម៉ូតូម្នាក់ រងរបួសធ្ងន់ និងមិនប៉ះពាល់ដល់អាយុជីវិតទេ ដោយសារមានពាក់មួកសុវត្ថិភាពការពារ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូជនរងគ្រោះជាមួយនឹង រថយន្តបែនដឹកដីមួយគ្រឿង នៅតាមបណ្តោយផ្លូវជាតិលេខ៣(វាលរេញ-កំពត)ចំណុចបឹងប្លុងភូមិបឹងវែង ឃុំវាលរេញ ស្រុកព្រៃនប់ នៅវេលាម៉ោង១០និង០៥នាទីព្រឹក ថ្ងៃពុធ ៥កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ ។
សមត្ថកិច្ចឲ្យដឹងថា ក្រោយកើតហេតុ អ្នកបើកបររថយន្ត បានបើករថយន្តទៅចតទុកចោលនៅទីតាំងចាក់ដីក្បែនោះ រួចហើយចុះពីរថយន្តរត់គេចខ្លួន រីឯអ្នករងគ្រោះត្រូវបានដឹកទៅសង្គ្រោះគ្លីនិកវាលរេញភ្លាមៗផងដែរ ចំណែករថយន្តនិងម៉ូតូត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកព្រៃនប់រង់ចាំការដោះស្រាយនៅពេលក្រោយ ៕ ឆ្លាម សមុទ្រ
