សារព័ត៌មាន នគរវត្ត តែងតែនាំមុខគេជានិច្ច
ក្រុងព្រះសីហនុ៖ សមត្ថកិច្ចអោយដឹងតាមរបាយការណ៍ថា កាលពីម៉ោងជិត៧យប់ ថ្ងៃព្រហស្បតិ៍ ១៣កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៩ ខែមីនា ឆ្នាំ២០១៨ នៅលើដងផ្លូវជាតិលេខ៤ ចំណុចខាងមុខក្រុមហ៊ុនប៊េតុងជីបម៉ុង ស្ថិតក្នុង ភូមិ១ សង្កាត់១ ក្រុងព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាងរថយន្តម៉ាក FUSO លេខ ក.1863 ភព3 មានទិសដៅចេញពីក្រុងព្រះសីហនុ (អ្នកបើកបររត់គេចខ្លួន) លុះមកដល់ចំណុចកើត បានបត់ឆ្លងផ្លូវ ក៍បានបុកប៉ះជាមួយ ម៉ូតូ ០១គ្រឿង ម៉ាក Honda C-125 ពណ៌ខ្មៅលេខ ព្រៃវែង 1K-7313 មានទិសដៅផ្ទុយគ្នា អ្នកបើកបរម៉ូតូ ឈ្មោះ ហុិច ភេទប្រុស អាយុ ២៣ឆ្នាំ មុខរបរ កម្មករសំណង់ ស្នាក់នៅ ភូមិ១ សង្កាត់១ ក្រុងព្រះសីហនុ មានអ្នករួមដំណើរ ០២នាក់ ៖
១-ឈ្មោះ ជីម លីណា ភេទប្រុស អាយុ ២៤ឆ្នាំ មុខរបរ កម្មករសំណង់ ស្នាក់នៅ ភូមិ៦ សង្កាត់៤ ក្រុងព្រះសីហនុ ។
២-ឈ្មោះ អ៊ូច ភេទប្រុស អាយុ ២៦ឆ្នាំ មុខរបរកម្មករសំណង់ ស្នាក់នៅ ភូមិ៦ សង្កាត់៤ ក្រុងព្រះសីហនុ បណ្តាលឲ្យភាគីខាងម៉ូតូរងរបួសធ្ងន់ទាំង៣នាក់។
ចំពោះវត្ថុតាង រថយន្ត និងម៉ូតូ នគរបាលចរាចរណ៍ យករក្សាទុកនៅការិយាល័យ នគរបាលចរាចរណ៍ផ្លូវគោក ដើម្បីដោះស្រាយ តាមផ្លូវច្បាប់ ៕ ឆ្លាម សមុទ្រ
