សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ ក្រុមអ្នកបុរាណ វិទ្យាមួយក្រុមបានបង្ហាញពីការរកឃើញប្រាសាទបុរាណមួយក្នុងព្រៃ ដែលមានព្រៃ វល្លិដុះព័ទ្ធជុំជិត និងដុំថ្មប្រាសាទបាក់ធ្លាក់ ជ្រុះរប៉ាត់រប៉ាយពេញព្រៃ ។
លោក ពៅ អុីង ជាអ្នកបុរាណវិទ្យាម្នាក់ក្នុងចំណោមអ្នកស្រាវជ្រាវជាច្រើន នាក់ទៀតរបស់មន្ទីរវប្បធម៌ និងវិចិត្រ សិល្បៈខេត្តឧត្តរមានជ័យ ដែលបានទៅ ដល់ប្រាសាទបុរាណនោះបានឲ្យដឹងថា “ការិយាល័យបេតិកភណ្ឌ និងសារមន្ទីរ បានរុករកឃើញ ប្រាសាទតាតុញ ដែល ស្ថិតនៅក្នុងព្រៃ ក្នុងភូមិទំនប់ថ្មី ទំនប់ខ្នុរ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ” ។
លោកបន្ដថា ប្រាសាទតាតុញ បាំង ប្រាណលាក់ខ្លួន កណ្តាលព្រៃក្នុងទឹកដី ទំនប់ថ្មី ស្រុកត្រពាំងប្រាសាទ ។ ការ បង្ហាញនូវការរុករកឃើញប្រាសាទបុរាណថ្មីមួយនេះបានធ្វើឲ្យប្រជាពលរដ្ឋនិងអ្នកស្រឡាញ់ប្រាសាទបុរាណនិងអ្នកស្រឡាញ់វប្បធម៌កោតសរសើរនិងត្រេកអរយ៉ាងខ្លាំង ពីការរកឃើញប្រាសាទថ្មីនេះ៕ ហេង សូរិយា
