សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ត្រីស៊ុន សុផាតស្នងការរង ទទួលផែនប្រឆាំងបទល្មើស បានឲ្យដឹងថា៖ នៅវេលាម៉ោង២:០០រំលង អធ្រាត្រ ឈានចូល ថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ នគរបាលប្រឆាំងគ្រឿងញៀន ខេត្តព្រះសីហនុ បានបង្ក្រាបបទល្មើសគ្រឿងញៀន១ ករណី នៅក្រុមទី៩ ភូមិ៣ សង្កាត់លេខ២ ក្រុង/ខេត្តព្រះសីហនុ ឃាត់ខ្លូនជនសង្ស័យ ២នាក់៖
១.ឈ្មោះម៉ឹង ញ៉ាញ់ ភេទប្រុសអាយុ ៣០ឆ្នាំ មុខរបរជាងសំណង់ ។
២.ឈ្មោះម៉ម គិ ភេទប្រុសអាយុ៤០ឆ្នាំ មុខរបធ្វើស្រែ ។ ចាប់យកបានថ្នាំញៀន ម្សៅក្រាមពណ៌ស ថ្លា១កញ្ចប់ធំ ៣កញ្ចប់តូច និងទូស័ព្ទដៃ៣គ្រឿង។
ករណីនេះ សមត្ថកិច្ចជំនាញកំពុងកសាងសំណុំរឿង តាមនីតិវិធីបញ្ជូនទៅសាលាដំបូងខេត្ត ៕ ឆ្លាម សមុទ្រ
