សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កាលពីពេលថ្មីៗកន្លងមកនេះ មានការបែកធ្លាយរូបភាពរបស់មន្ត្រីអន្តោប្រវេសន៍ច្រកទា្វរព្រំដែនអន្តរជាតិ អូស្មាច់ ខេត្តឧត្តរមានជ័យ យកម៉ោងធ្វើការមកផឹកស៊ីយ៉ាងសប្បាយ នៅនឹងកន្លែងធ្វើការ ។
ប្រភពព័ត៌មានពីមន្ត្រីនគរបាលអន្តោប្រវេសន៍ បានឲ្យដឹងថា បន្ទាប់ពីមានការបែកធ្លាយរូបភាពផឹកស្រាបៀនៅកន្លែងធ្វើការ នាយឧត្តមសេនីយ៍ផ្កាយ៤ សុខ ផល លោកបានបញ្ជាឲ្យដកមន្ត្រីនគរបាលអន្តោប្រវេសន៍នៅនឹងកន្លែងច្រកទ្វារអន្តរជាតិ អូរស្មាច់ចេញភា្លមៗ ផងដែរ ប៉ុន្តែអ្វីដែលគួរឲ្យងើងឆ្ងល់ គេពុំ ទាន់ដឹងថា តើដកលោក នាយរងប៉ុស្តិ៍ ជា ព្រឿង ឬ ក៏លោកនាយប៉ុស្តិ៍ ខូង ទីន ចេញពីច្រកអន្តរជាតិអូរស្មាច់។
ប្រជាពលរដ្ឋ និងអ្នកសារព័ត៌មានមួយចំនួន ដែលបានដឹងពីបញ្ហានេះ កំពុងតែរង់ចាំមើលចំណាត់ ការថ្នាក់លើយ៉ាងណា? ទៅលើមន្ត្រីនគរបាលអន្តោប្រវេសន៍ ដែលបានប្រព្រឹត្តិខុសច្បាប់វិន័យ របស់នាយកដ្ឋានអន្តោប្រវេសន៍ ។
គួរបញ្ជាក់ថា មន្ត្រីនគរបាលអន្តោប្រវេសន៍ច្រកទា្វរព្រំដែនអន្តរជាតិប៉ុស្តិ៍ អូរសា្មច់ កំពុងតែដើរផ្គើននឹងបទបញ្ជាសម្ដេចតេជោ នាយករដ្ឋមន្ដ្រី យកលុយពីប្រជាពលរដ្ឋដែលវ៉ៃប៉ះស្ព័រឆ្លងដែន ទៅប្រទេសថៃ ក្នុងម្នាក់១ម៉ឺនរៀល ដោយមិនមានការចេញវិក្កយបត្រ និងមានមន្ត្រីខ្លះមិនដែលមកធ្វើការងារ និងគោរពតួនាទីរបស់ខ្លួនឡើយ ដោយសារតែអាងខ្នងនិងខ្សែស្រឡាយរបស់ខ្លួន។
គិតមកដល់ថ្ងៃចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែឧសភា ឆ្នាំ២០១៨ លោកនគរបាលអន្តោប្រវេសន៍ច្រកទា្វរព្រំដែនអន្តរជាតិប៉ុស្តិ៍ អូរសា្មច់ ដែលបានផឹកស្រា នឹងយកលុយពីប្រជាពលរដ្ឋធ្វើដំណើរឆ្លងដែនទៅប្រទេសជិតខាងនោះ…! កំពុងតែមានការរង់ចាំមើលថា្នក់លើ និងមានចំណាត់ការយ៉ាងដូចម្តេចចំពោះបញ្ហានេះ? ជុំវិញការចោទប្រកាន់ខាងលើនេះ អ្នកព័ត៌មាន សុំបំភ្លឺពីលោក ខូង ទីន លោកបានលើកឡើងថា ការផឹកស៊ីពិតជាមានមែនតែម៉ោងប្រាំបួនហើយ តែរឿងយក១មឺុនក្នុងម្នាក់អត់មានទេ ហើយការលើកឡើងរបស់លោក គ្រាន់តែជាពាក្យដោះសារតែប៉ុណ្ណោះ ៕ ប៉ែន នួន
