សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នៅថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ វេលាម៉ោង ១៥និង៣០នាទី កម្លាំងនគរបាលស្រុកបវេល បានទទួលពាក្យបណ្តឹងពីស្ត្រីឈ្មោះ ឆយ ម៉ាន ភេទស្រី អាយុ ៦៥ឆ្នាំ រស់នៅភូមិកំពង់ឆ្នាំង ឃុំបវេល ស្រុកបវេល មកប្តឹងថាចៅរបស់គាត់ឈ្មោះ ហ.គ ភេទស្រី អាយុ ១៤ឆ្នាំ ត្រូវបានឈ្មោះ វ៉ាន់ហឿន ភេទប្រុស អាយុ ៦៩ឆ្នាំ រស់នៅភូមិ ឃុំជាមួយគ្នា ចាប់រំលោភរហូតមានផ្ទៃពោះ ។
ក្រោយពីទទួលបណ្តឹង និងមានការអនុញ្ញាត្តិពីលោកព្រះរាជអាជ្ញា នួន សាន កម្លាំងជំនាញបានកោះអញ្ចើញជនសង្ស័យមកសាកសួរ ក្រោយសួរចម្លើយជនសង្ស័យបានសារភាពថា ខ្លួនពិតជាបានរួមភេទជាមួយនាងហ.គ. ពិតប្រាដកមែ នគឺនៅនឹងក្រោមផ្ទះលើបង់ ក្នុងខែតុលា ឆ្នាំ២០១៧ ។
ករណីនេះ សមត្ថកិច្ចបានឃាត់ខ្លួនជនសង្ស័យ និងរៀបចំសំណុំរឿងបញ្ចូនទៅសាលាដំបូងខេត្ត ដើម្បីចាត់ការបន្តតាមច្បាប់ ៕សំ វិច្ឆិកា
