សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ ថ្ងៃសៅរ៍ ២កើត ខែទុតិយាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី១៤ ខែកក្កដា ឆ្នាំ២០១៨ ប្រជានេសាទម្នាក់បានដាក់មងជាប់សត្វក្រពើមួយក្បាល បង្កឲ្យមានការភ័យខ្លាចលាយឡំនឹងភាពសប្បាយផងដែរ ។ ប៉ុន្តែទោះបីយ៉ាងណា អាជ្ញាធរមូលដ្ឋាន បានប្រកាសឲ្យប្រជាពលរដ្ឋ ដែលមានកូនតូចៗ ត្រូវបង្កើនការប្រុងប្រយ័ត្នឲ្យបានខ្ពស់ ព្រោះនៅអាងទឹកមានក្រពើ។
អាជ្ញាធរខេត្តព្រះសីហនុបានឲ្យដឹងថា នេះជាលើកទី៤ហើយ ដែលប្រជានេសាទដាក់មងជាប់សត្វក្រពើ នៅអាងស្តុកទឹក ព្រំប្រទល់ភូមិចំការកៅស៊ូ និងភូមិវាលធំ ឃុំជើងគោ និងឃុំវាលរេញ ស្រុកព្រៃនប់ ខេត្តព្រះសីហនុ ៕ ឆ្លាម សមុទ្រ
