សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យុវជនម្នាក់ និងក្មេងប្រុសម្នាក់រងរបួសធ្ងន់ស្រាលដោយសារគ្រោះថ្នាក់ចរាចរណ៍រវាងម៉ូតូបើកបុកកង់ក្នុងទិសដៅស្របគ្នាពេញទំហឹងបង្កការភ្ញាក់ផ្អើលដល់អ្នកភូមិទាំងព្រឹកកាលពីថ្ងៃព្រហស្បតិ៍ ៤កើត ខែភទ្របទ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១៣ ខែកញ្ញា ឆ្នាំ២០១៨ វេលាម៉ោង៦ នៅចំណុចផ្លូវលេខ៣១៤ ស្ថិតក្នុងភូមិពោធិវង្ស ឃុំប្រសូត្រ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលមូលដ្ឋានបានឲ្យកាសែតនគរវត្តដឹងថា ម្ចាស់ម៉ូតូបង្កហេតុមានឈ្មោះ ពុំ ហៀង ភេទប្រុស អាយុ១៥ឆ្នាំ ជនជាតិខ្មែរ មុខរបរ សិស្ស មានទីលំនៅភូមិព្រៃរនោង ឃុំញរ ស្រុកកំពង់រោទិ៍ ខេត្តស្វាយរៀង បើកបរម៉ូតូម៉ាក ZOOMER X ពណ៌ខ្មៅក្រហម ពាក់ស្លាកលេខ ស្វាយរៀង 1L-6215 ខូចខាតយ៉ាងដំណំ ។
ចំណែកក្មេងប្រុសរងគ្រោះ មានម្ចាស់ឈ្មោះ ខឿន ចិត្រា អាយុ៨ឆ្នាំ មុខរបរ សិស្ស មានទីលំនៅភូមិពោធិវង្ស ឃុំប្រសូត្រ ស្រុកស្វាយទាប ខេត្តស្វាយរៀង ចំពោះកង់ខូចខាតទាំងស្រុង ។
តាមសាក្សីដែលឃើញហេតុការណ៍បានឲ្យដឹងថា មុនកើតហេតុគេឃើញយុវជនម្នាក់បានជិះម៉ូតូមួយគ្រឿងម៉ាក ZOOMER X ពណ៌ខ្មៅក្រហម ពាក់ស្លាកលេខ ស្វាយរៀង 1L-6215 ធ្វើដំណើរពីជើងមកត្បូងក្នុងល្បឿនលឿនខ្វះការប្រុងប្រយ័ត្ន ស្រាប់តែទៅបុក និងក្មេងប្រុសម្នាក់កំពុងជិះកង់តែម្នាក់ឯងទិសដៅស្របគ្នា ក៏បុកពីក្រោយយ៉ាងពេញទំហឹងបណ្ដាលឲ្យដួលកណ្ដាលផ្លូវទាំងសងខាងបង្កការភ្ញាក់ផ្អើលដល់អ្នកធ្វើដំណើរ និងអ្នកភូមិចេញមកមើល និងរាយការណ៍មកសមត្ថកិច្ចមូលដ្ឋានមកអប្តរាគមន៏ និងដឹកអ្នករងរបួសមកកាន់មន្ទីរពេទ្យ។
ក្រោយមកសមត្ថកិច្ចបានវាស់វែង និងអូសយក មធ្យោបាយទាំង២គ្រឿង មករក្សាទុកនៅប៉ុស្ដិ៍នគរបាលប្រសូតិដើម្បី រង់ចាំដោះស្រាយគ្នាតាមច្បាប់៕ យឹម សុថាន
