សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ជនសង្សយ័ពាក់ពន្ធ័នឹងគ្រឿងញៀនចំនួន៣នាក់ ត្រូវបានកម្លាំងអធិការដ្ឋានគរបាលក្រុង បង្រ្កាបបានជាបន្តបន្ទាប់តាមទីកន្លែងខុសៗគ្នា នៅថ្ងៃទី៣០ ខែកញ្ញា ឆ្នាំ២០១៨ ។
នៅវេលាម៉ោង ០៨:៣០ នាទីព្រឹក នគរបាល បានឃាត់ខ្លួនជនសង្ស័យម្នាក់ ឈ្មោះ ចាំង វ៉ាង់តាវ ភេទ ប្រុស អាយុ ៥០ ឆ្នាំ មុខរបរជាងឈើ ទីលំនៅបច្ចុប្បន្ន ក្រុម ៣៣ ភូមិ ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ ដកហូតវត្ថុតាងរួមមានថ្នាំញៀនម្សៅក្រាម ពណ៌សថ្លា ០២កញ្ចប់ធំ និង ០៥កញ្ចប់តូច និងទូរសព្ទ័១គ្រឿង ។
ប្រភពពីនគរបាលបន្តថា បន្ទាប់ សួរបានចម្លើយពីជនសង្សយ័ខាងលើ នគរបាល ក៏បានឃាត់ខ្លួនជនសង្ស័យ ០២នាក់ផ្សេងទៀត នៅវេលាម៉ោង ១១:០០នាទីព្រឹក ថ្ងៃដដែល ស្ថិតនៅក្រុម៣៣ ភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ ឈ្មោះ សុខ លី ភេទ ប្រុស អាយុ ៥០ ឆ្នាំ មុខរបរជាងម៉ាស៊ីនទីលំនៅបច្ចុប្បន្ន ក្រុម ៣៣ ភូមិ ១ សង្កាត់លេខ៤ ក្រុងព្រះសីហនុ និងឈ្មោះ ដាំ គីមដែប ភេទ ស្រី អាយុ ៥០ឆ្នាំ មុខរបរម៉ាស្សាតាមមាត់សមុទ្រ ទីលំនៅបច្ចុប្បន្ន ក្រុម ៣៣ ភូមិ ១ សង្កាត់លេខ៤ ក្រុងព្រះសីហនុ ។ ដកហូតវត្ថុតាងមានថ្នាំញៀនម្សៅក្រាម ពណ៌សថ្លា ០១កញ្ចប់ធំ និង០១កញ្ចប់តូច។
បច្ជុប្បន្នជនសង្សយ័ទាំង៣ត្រូវបានសមត្ថកិច្ចបញ្ជូនទៅសាលាដំបូងខេត្តផ្តន្ទាទោសទៅតាមច្បាប់ ៕ ឆ្លាម សមុទ្រ
