សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរីៈ គោញី៦ក្បាល បានងាប់រដូករណែល គេសង្សយ័ថា បណ្តាលមកពីពុលថ្នាំបាញ់ប៉ូវដំណាំដំឡូង ។
ហេតុការណ៍នេះ បានកើតឡើង នៅថ្ងៃពុធ ៧ កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ ។
នៅក្នុងចំការដំឡូង និងចំការស្វាយចន្ទី របស់ឈ្មោះ ណាត ក្នុងភូមិចង ឃុំញ៉ាង ស្រុកអណ្តូងមាស ខេត្តរតនគិរី ។
សមត្ថកិច្ចស្រុកអណ្តូងមាសបានឲ្យដឹងថា ម្ចាស់គោរងគ្រោះ ឈ្មោះ សល់ ចេល ភេទប្រុស អាយុ៥៦ឆ្នាំ គោរបស់គាត់ងាប់២ក្បាល, ម្ចាស់គោ ឈ្មោះ រចំ ផង់ ភេទប្រុស អាយុ៣៣ឆ្នាំគោរបស់គាត់ងាប់១ក្បាល, ម្ចាស់គោឈ្មោះ សល់ គ័រ ភេទប្រុស អាយុ៣៥ឆ្នាំ គោរបស់គាត់ងាប់១ក្បាល, ម្ចាស់គោឈ្មោះ សេវ គ្លីន ភេទប្រុស អាយុ៤៥ឆ្នាំ គោរបស់គាត់ងាប់១ក្បាលនិងគោងាប់១ក្បាលទៀតសមត្ថកិច្ចមិនទាន់ដឹងម្ចាស់នៅឡើយទេ ។
ប្រភពបន្តថា តាមការសន្និដ្ឋាន របស់មណ្ឌលសុខសភាពឃុំញ៉ាងថា សត្វគោទាំងនេះងាប់ គឺបណ្តាលមកពីពុលថ្នាំសម្រាប់ប៉ូវដំឡូងមី ៕ ជីវ័ន្ត
