សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសចំនួន២នាក់បានយកម៉ូតូមិត្តភ័ក្តិ ហើយគេចខ្លួនបាត់មួយរយះក្រោយមក ទើបជនរងគ្រោះប្តឹងសមត្ថកិច្ចឃាត់ខ្លួន ម្នាក់យកមកសួរនាំ ខណៈជនសង្ស័យម្នាក់ទៀតគេចខ្លួនបាត់ ។
ហេតុការណ៍នេះបានកើតឡើងកាលពីវេលាម៉ោង៨ព្រឹក ថ្ងៃទី២៧ ខែវិច្ឆិកា ឆ្នាំ២០១៨ នៅចំណុចបន្ទប់ជួលភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ជនង្ស័យឈ្មោះប៉ុន កែវឯក ភេទប្រុសអាយុ៣៨ឆ្នាំ មុខរបរជាងជុសម៉ូតូ ស្នាក់នៅកន្លែងកើតហេតុ ។
ចំណែកជនរងគ្រោះឈ្មោះមាស ភាព ភេទប្រុសអាយុ៣៨ឆ្នាំ មុខរបរត់ម៉ូតូឌុបស្នាកនៅសង្កាត់ចោមចៅទី២ ខណ្ឌពោធិ៍សែនជ័យ ។ មានស្រុកកំណើតនៅខេត្តតាកែវ ។
តាមសម្តីជនរងគ្រោះមុនពេលកើតហេតុកាលពីមុនថ្ងៃបុណ្យអុំទូករូបគាត់បានជិះម៉ូតូឌុបឈ្មោះធីទៅបន្ទប់ជួលឈ្មោះប៉ុនកែវឯក ពេលទៅដល់ជនសង្ស័យទាំង២នាក់បានខ្ចីម៉ូតូទៅទិញទឹកពេលនោះរូបគាត់ក៏បានឲ្យជិះយកទៅបាត់ ។
ក្រោយមកទើបឈ្មោះប៉ុនកែវឯក ក៏បានដើរមកម្នាក់ឯងហើយរូបគាត់ក៏បានសួរនាំពេលនោះជនសង្ស័យប្រាប់ថាឈ្មោះធីជិះមិនដឹងទៅណាទេទើបគាត់មកដាក់ពាក្យបណ្តឹងនៅប៉ុស្តិ៍នគរបាល ។
លុះមកដល់ថ្ងៃទី២៧ ជនសង្ស័យនៅមិនទាន់យកម៉ូតូឲ្យទៀតទើបជនរងគ្រោះប្តឹងសមត្ថកិច្ចឃាត់ខ្លួនឈ្មោះប៉ុនកែវឯកតែម្តងចំណែកឈ្មោះធីគេចខ្លួនរួមទាំងម៉ូតូទៅបាត់ ។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួន និងកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយតាមច្បាប់ ៕ សុខាសែនជ័យ
