សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្ដិ៍ចាក់អង្រែលើឃាត់ ជនសង្ស័យម្នាក់ រួមនឹងថ្នាំញៀនចំនួន៣កញ្ចប់ថង់តូច កាលពីវេលាម៉ោង១៤និង០០នាទី ថ្ងៃទី២៤ ខែធ្នូ ឆ្នាំ២០១៨ នៅចំណុចផ្លូវលំ ភូមិ ព្រែកតានូ សង្កាត់ ចាក់អង្រែលើ ខណ្ឌ មានជ័យ រាជធានីភ្នំពេញ។
ជនសង្ស័យដែលឃាត់ខ្លួនមានឈ្មោះសេង សុភ័ក្រ្ត ភេទប្រុស អាយុ៣៣ឆ្នាំ ទីលំនៅ និងមុខរបរមិនពិតប្រាកដ។
សមត្ថកិច្ចបានឲ្យដឹងថា មុនពេលឈានដល់ការឃាត់ខ្លួន គឺកម្លាំងសមត្ថកិច្ចបានជិះល្បាតក្នុងមូលដ្ឋាន ដើម្បីការពារសុវត្តិភាពជូនប្រជាពលរដ្ឋ ខណៈពេលមកដល់ចំណុចខាងលើ ក៏ឃើញជនសង្ស័យកំពុងឈរនៅលើផ្លូវ ដោយមានការសង្ស័យ ទើបកម្លាំងឃាត់ខ្លួនសួរនាំ និងឆែកឆេរ រកឃើញក្រាមពណ៌សថ្លា(សង្ស័យជាគ្រឿងញៀន) ចំនួន០៣កញ្ចប់ថង់តូចនៅជាប់ខ្លួនរបស់ជនសង្ស័យ ឃើញដូចនោះ សមត្ថកិច្ច បានឃាត់ខ្លួនជនសង្ស័យយកមកសាកសួរនៅស្នាក់ការនគរបាល ប៉ុស្តិ៍ចាក់អង្រែលើចាត់ការតាមនីតិវិធីតែម្តង ។ ចំណែកវត្ថុតាងដកហូតបានរួមមាន៖ ក្រាមពណ៌សថ្លា (សង្ស័យជាគ្រឿងញៀន) ចំនួន ០៣កញ្ចប់ថង់តូច ។
បច្ចុប្បន្នជនសង្ស័យត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕ ភារ៉ា ដង្កោ
