ម៉ូតូនិងរថយន្តបុកគ្នាបណ្តាលឲ្យរងរបួសធ្ងន់២នាក់

ខេត្តព្រះសីហនុ៖ សមត្ថកិច្ចកងរាជអាវុធហត្ថអោយដឹងថា នៅវេលាម៉ោង១២.០០នាទី ថ្ងៃទី២៩ ខែធ្នូ ឆ្នាំ២០១៨ មានគ្រោះថ្នាក់ចរាចរណ៍មួយកើតឡើង នៅលើផ្លូវជាតិលេខ៤ ត្រង់ចំណុចខាងកើតក្រុមហ៊ុនទឹកស្អាតអានកូរ ស្ថិតក្នុងក្រុម១៦ ភូមិ១ សង្កាត់១ ក្រុង-ខេត្តព្រះសីហនុ ដោយម៉ូតូ ០១គ្រឿងម៉ាក Honda C-១២៥ ពណ៌ខ្មៅ ពាក់ស្លាកលេខ កំពត 1-D 4964 មានទិសដៅចូលមក ក្រុងព្រះសីហនុ អ្នកបើកបរឈ្មោះ ស៊ាង ទីណា អាយុ ២៥ឆ្នាំ មុខរបរ ចុងភៅរីស៊តកោះរ៉ុងសន្លឹម មានទីលំនៅ ភូមិកំពង់សំរោង ឃុំកំពង់សំរោង ស្រុកទឹកឈូ ខេត្តកំពត និងមានអ្នករួមដំណើរម្នាក់ឈ្មោះ មៀច ណាត ភេទស្រី អាយុ ២៩ឆ្នាំ មុខរបរ បុគ្គលិកផ្សារសាម៉ូដឺរ៉ា ទីលំនៅ ភូមិអូររំចេក ឃុំដើមដូង ស្រុកអង្គរជ័យ ខេត្តកំពត ពេលមកដល់ចំណុចកើតហេតុ អ្នកបើកម៉ូតូបានវ៉ាជែងរថយន្តខាងមុខ ហើយជ្រុលទៅបុកជាមួយរថយន្ត ០១គ្រឿង ម៉ាក Camary បាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2AJ-7351 មានទិសដៅ បញ្ច្រាស់គ្នា អ្នកបើកបរឈ្មោះ ឡាង លីម ភេទស្រី អាយុ ៣៧ឆ្នាំ មុខរបរ មេផ្ទះ ទៅលំនៅបច្ចុប្បន្ន ភូមិ២ សង្កាត់១ ក្រុង-ខេត្តព្រះសីហនុ និងអ្នករួមដំណើរក្នុងរថយន្ត មួយចំនួនទៀត (ភាគីខាងរថយន្តពុំមានអ្នករងរបួសឡើយ )។

គ្រោះថ្នាក់នេះបណ្តាលឲ្យភាគីខាងម៉ូតូរងរបួសធ្ងន់ទាំង០២នាក់ ១-ឈ្មោះ ស៊ាង ទីណា អ្នកបើកបរម៉ូតូ ២-ឈ្មោះ មៀច ណាត ភេទស្រី អ្នករួមដំណើរលើម៉ូតូ ត្រូវបានកម្លាំង អាវុធហត្ថ ក្រុង សហការជាមួយ កម្លាំងជំនាញនគរបាលចរាចរណ៍ ជួយសម្រួលចរាចរណ៍ ការពារកន្លែងកើតហេតុ និងបញ្ជូនជនរងគ្រោះ ទៅសង្គ្រោះព្យាបាលនៅគ្លីនិក888 ឃ្លាំងលើ ។

ចំពោះវត្ថុតាង រថយន្ត និងម៉ូតូខាងលើ ខូចខាតកំរិតមធ្យម គរបាលចរាចរណ៍ យកទៅរក្សាទុក នៅនគរបាលចរាចរណ៍ផ្លូវគោករងចាំការដោះស្រាយនៅពេលក្រោយ៕ ឆ្លាម សមុទ្រ