សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ គ្រោះថ្នាក់ចរាចរណ៍មួយកើតឡើងនៅម៉ោងជាង៧យប់ ថ្ងៃទី១២ ខែមករា ២០១៩ នៅផ្លូវជាតិលេខ៤ចន្លោះគីឡូម៉ែត្រលេខ 142-143 ស្ថិតក្នុងភូមិ/ឃុំចំការហ្លួង ស្រុកកំពង់សីលា ខេត្តព្រះសីហនុ ។
ហេតុការណ៍គ្រោះថ្នាក់នេះ កើតឡើងរវាងរថយន្ត FUSO ពាក់ស្លាកលេខ ព្រះសីហនុ 3A-0483 របស់ក្រុមហ៊ុន SK មានទិសដៅពីខេត្តព្រះសីហនុទៅភ្នំពេញ បុកប៉ះជាមួយម៉ូតូម៉ាកសង់ ពណ៌ខ្មៅ ឆ្នាំ2015 គ្មានស្លាកលេខមានទិសដៅស្របគ្នាបណ្តាលឲ្យអ្នកបើកបរម៉ូតូឈ្មោះ ឡុង ចាន់វ៉ា ភេទប្រុស អាយុ២២ឆ្នាំ រងរបួសស្រាល និងឈ្មោះ ប៉ុន សួរ ជាប្រពន្ឋរួមដំណើរពីក្រោយរងរបួសស្រាលដូចគ្នា ។
សមត្ថកិច្ចបញ្ជាក់ថាជនរងគ្រោះមានទីលំនៅ ភូមិ/ឃុំ ជ្រោយស្វាយ ស្រុកស្រែអំបិល ខេត្តកោះកុង។
ក្រោយកើតហេតុ អ្នកបើកបររថយន្តបានរត់គេចខ្លួនបាត់ ក្នុងនោះសមត្ថកិច្ចមានកងរាជអាវុធហត្ថស្នាក់ការសន្តិសុខ ៤០២ នគរបាលអធិការដ្ឋាននគរបាលស្រុកកំពង់សីលា អន្តរាគមន៍ជួយយកអ្នករងរបួសទៅកាន់មន្ទីរពេទ្យ ។
រួចនាំយករថយន្ត និងម៉ូតូទៅរក្សាទុកនៅអធិការដ្ឋានគរបាលស្រុកកំពង់សីលាដើម្បីចាត់ការតាមនិតិវិធី ៕ ឆ្លាម សមុទ្រ
