សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនម្នាក់បានយកនារីភេទទីបីទៅដេករូបភេទនៅខុនដូមួយកន្លែង តែទៅដល់ខុនដូ មិនពេញចិត្តហើយក៏ឲ្យត្រឡប់មកវិញ រួចឲ្យលុយចំនួន៥ដុល្លារ តែនារីភេទទី៣មិនព្រមយក ហើយប្រកែកគ្នាតឹងសរសៃកកើតជាហិង្សា ។
ហេតុការណ៍នេះ បានកើតឡើងកាលពីម៉ោងរំលងអធ្រាត្រ ឈានចូលថ្ងៃទី១៦ ខែមករាឆ្នាំ២០១៩ នៅត្រង់ចំណុចមុខខុនដូរ ថាឡឹនស្តាយ ផ្ទះលេខ37 តាមបណ្ដោយផ្លូវ430 នៅក្នុងសង្កាត់ទំនប់ទឹក ខណ្ឌចំការមន ។
សមត្ថកិច្ចបានឲ្យដឹងថា ខាងភេទទី បី ទី1 មានឈ្មោះ អេម ចាន់គីរុណ ធ្វើខ្លួនជាស្រី អាយុ២៧ឆ្នាំ ផ្ទះលេខ105 អាអឺ២ហ្សិត ផ្លូវលេខ ១២២ ភូមិ១៣ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ហើយភេទទីបី ទី២ ឈ្មោះ ម៉េង សំអាង ធ្វើខ្លួនជាស្រី អាយុ៣១ឆ្នាំ រងរបួសស្រាល ។
ប្រភពពត៌មាន ពីភេទទី3 បានឲ្យដឹងថា ដំបូងឡើយជនជាតិចិន បានឆាតតាមវីឆាតទៅគាត់ដើម្បីឲ្យគាត់មកដេកជាមួយក្នុងតំលៃ២០០ដុល្លារអាមេរិក បើសិនមានគ្នាពីរនាក់ក៏បាន ។ ស្រាប់តែគាត់ជិះកង់បីឥណ្ឌាមកដល់កន្លែងកើតហេតុ ។ ជនជាតិចិនមិនត្រូវចិត្តក៏ឱ្យ៥ដុល្លារត្រឡប់ទៅវិញ ។ ពួកនាងមិនព្រមយកដោយសារតែឲ្យលុយតិចពេក ហើយក៏មានការប្រកែកតឹងសរសៃកើតជាហិង្សាវាយគ្នាទៅមករងរបួសស្រាលរៀងៗខ្លួន ។ ចំណែកខាងភេទទី3ទាញដុំថ្មគប់បណ្ដាលឲ្យបែកកញ្ចក់រថយន្តព្រូសពណ៌ខ្មៅពាក់ស្លាកលេខភ្នំពេញAV.6528 ខាងជនជាតិចិនបែកចំហៀងខាងមុខមួយនិងបែកកញ្ចក់ចំហៀងខាងឆ្វេងកញ្ចក់ខាងក្រោយ ។ រងការខូចខាតយ៉ាងដំណំ ។
បន្ទាប់ពីកើតហេតុជនជាតិចិនគាត់បានឡើងទៅលើខុនដូបាត់ទៅ ចំណែកពួកភេទទី៣ក៏ត្រឡប់ទៅវិញដែរ ៕ ជ្រោយពេជ្រ
