សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ បានជិះម៉ូតូមកធ្វើសកម្មភាពឆក់ ទូរស័ព្ទពីក្មេងស្រីម្នាក់ ខណៈកំពុងចុចលេង នៅមុខបន្ទប់ជួល តែត្រូវបានប្រជាពលរដ្ឋចាប់បានភ្លាមៗ កាលពីវេលាម៉ោង៣រសៀល ថ្ងៃទី១៦ ខែមករា ឆ្នាំ២០១៩ នៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យ ឈ្មោះឆេង ម៉េងហ៊ង ភេទប្រុស អាយុ៣២ ឆ្នាំស្នាក់នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។
ប្រភពព័ត៌មានបានឲ្យដឹងថា មុនពេលកើតហេតុគេបានឃើញក្មេងស្រីម្នាក់ អង្គុយចុចទូរស័ព្ទ ម៉ាកសាំសុងជាមួយប្អូន ប្រុសម្នាក់ទៀត នៅចំណុចមុខបន្ទប់ជួលភ្លាមនោះ ស្រាប់តែមានជនសង្ស័យម្នាក់ជិះម៉ូតូម៉ាកស្កូបពី ពណ៌ស ពាក់ស្លាកលេខ ភ្នំពេញ 1HE 6525 បានមកធ្វើសកម្មភាពឆក់ទូរស័ព្ទ ពីដៃជនរងគ្រោះ ហើយព្យាយាមជិះម៉ូតូគេចខ្លួន តែត្រូវបានប្រជាពលរដ្ឋឃើញទាន់ក៏ចាប់បានភ្លាមៗ ។
ក្រោយពេលកើតហេតុ ជនសង្ស័យត្រូវបានសមត្ថកិច្ចសាកសួរ និងកសាងសំណុំរឿងបញ្ជូនទៅ អធិការដ្ឋាននគរបាលខណ្ឌពោធិ៍សែនជ័យរង់ចាំចាត់ការតាមច្បាប់ ៕ សុខាសែនជ័យ
