សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ នៅរសៀលថ្ងៃទី១៧ ខែមករា ឆ្នាំ២០១៨ លោក ឯក ស៊ុនរស្មី ព្រះរាជអាជ្ញាររងអមសាលាដំបូងខេត្តកណ្តាល បានសម្រេចចោទប្រកាន់ អ្នកបើករថយន្តជែងជ្រុលចង្កូតទៅបុកម៉ូតូពីក្រោយ រងរបួសធ្ងន់ពីរនាក់ នៅស្រុកខ្សាច់កណ្តាល ក្រោមបទចោទ “បើកបរធ្វេសប្រហែស ខ្ជីខ្ជារ មិនប្រុងប្រយត្ន័ បណ្តាលឲរបួសអ្នកដទៃ” តាមមាត្រ៨៣ ច្បាប់ស្តីពីចរាចរណ៍ផ្លូវគោក ដែលប្រព្រឹត្តនៅ ចំណុចភូមិព្រែកថោង ឃុំព្រែកលួង ស្រុកខ្សាច់កណ្ដាល ខេត្តកណ្ដាល ថ្ងៃទី១៦ ខែមករា ឆ្នាំ២០១៩ វេលាម៉ោង១២នឹង៥០នាទី ។
បច្ចុប្បន្នសំណុំរឿងខាងតំណាងអយ្យការ បានបញ្ជូនទៅខាងលោកចៅក្រមសើុបសួរ ដើម្បីសម្រេចឃុំខ្លួន ឬមិនឃុំខ្លួន ។ ជនត្រូវចោទមាន ឈ្មោះ ហុក សុគុនន្ធា ភេទប្រុស អាយុ៣៦ឆ្នាំនៅភូមិព្រែកល្វា ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល ។
ជនរងគ្រោះឈ្មោះរិន ម៉ារីយា ភេទស្រី អាយុ១៥ឆ្នាំ នៅភូមិព្រែកតាកូវ ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាលនិងទី០២ឈ្មោះ រិន យ៉ាវេន ភេទប្រុស អាយុ០៩ឆ្នាំ នៅភូមិឃុំ ជាមួយគ្នារងរបួសធ្ងន់ ។
នគរបាលចរាចរណ៍ស្រុកខ្សាច់កណ្តាលបានឲ្យដឹងថាគ្រោះថ្នាក់ចរាចរណ៍នេះបង្កឡើងដោយរថយន្តម៉ាករ៉ាយណូ ពណ៌សរ លាយបៃតងចាស់ ប្រភេទដឹកដី ពាក់ផ្លាកលេខក-៦៩៣៨ ភព៣ បើកបរក្នុងទិសដៅពីត្បូងទៅជើង រួមដំណើរ លុះមកដល់ចំណុចកើតហេតុខាងលើ បានបុកជាមួយនឹងម៉ូតូមួយគ្រឿងម៉ាកHonda C125 ពណ៌ខ្មៅ ប្រភេទស្រី ពាក់ស្លាកលេខ ភ្នំពេញ 1F-2711 បើកបរក្នុងទិសដៅស្របគ្នា បណ្តាលឲ្យរថយន្តបុកចំពីក្រោយម៉ូតូចំយ៉ាងពេញទំហឹងតែម្តង ។ ភ្លាមៗអ្នករងរបួសធ្ងន់ត្រូវបញ្ជូនទៅកាន់មន្ទីរពេទ្យភ្នំពេញ ។
មូលហេតុអ្នកបើកបររថយន្តបើបរជែងខ្វះការប្រុងប្រយត្ន័ ៕ ឆ ដា
