រថយន្តកុងតឺន័រ ឈប់ចាំស្តុប ត្រូវរថយន្តហ៊ីយ៉ាន់ដាយ បុកពីក្រោយ រងការខូចខាត

ភ្នំពេញ៖ រថយន្តហ៊ីយ៉ាន់ដាយមួយគ្រឿង បានរងការខូចខាតផ្នែកខាងមុខ យ៉ាងដំណុំ ខណៈបើកលឿនមិនប្រយ័ត្ន ជ្រុលបុកគូទរថយន្តកុងតឺន័រ ដែលឈប់រងចាំស្តុប ។

ហេតុការណ៍នេះ បានកើតឡើងកាលពីវេលាម៉ោង៩យប់ ថ្ងៃព្រហស្បតិ៍ ១៤កើតខែបុស្ស ឆ្នាំច សំរឹទ្ធស័ក២៥៦២ ត្រូនឹងថ្ងៃទី១៤ ខែកុម្ភៈ ឆ្នាំ២០១៩ នៅចំណុចស្តុបទួលពង្រ តាមបណ្តោយផ្លូវវេងស្រេង សង្កាត់ចោមចៅទី១ ខណ្ឌពោធិ៍សែនជ័យ ។

តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តកុងតឺន័រមួយគ្រឿង ពណ៌ស ពាក់ស្លាកលេខភ្នំពេញ4A1389 ធ្វើដំណើរតាមបណ្តោយផ្លូវវេងស្រេងក្នុងទិសដៅពីលិចទៅកើតខណះមកដល់ចំណុចកើតដោយសារតែស្តុបក្រហមក៏បានឈប់រងចាំស្តុបស្រាប់តែរថយន្តហ៊ីយ៉ាន់ដាយពណ៍ខៀវ ពាក់ស្លាកលេខព្រះសីហនុ 3A 3483 ធ្វើដំណើរមកពីក្រោយក្នុងល្បឿនលឿនមិនបានប្រុងប្រយ័ត្នចាប់ហ្វ្រាំងមិនស៊ីក៏ជ្រុលបុកគូទពេញទំហឹងបណ្តាលឲ្យរងការខូចខាតខ្លួនឯងតែមិនមានមនុស្សរងរបួស។

ក្រោយពេលកើតហេតុ ភាគីទាំងសងខាង បានសម្របសម្រួលគ្នាដោយយករថយន្តទៅជួសជុលរៀងខ្លួន ៕ សុខាសែនជ័យ