សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ ពលរដ្ឋខ្មែរម្នាក់ ឈ្មោះ ស៊ឹម វ៉ាន់ ហៅ (តាវែង) ភេទប្រុស អាយុ៥២ឆ្នាំ រស់នៅភូមិ ជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ត្រូវបានសមត្ថកិច្ចចម្រុះរបស់ថៃចាប់ខ្លួនពីបទឆ្លងដែនខុសច្បាប់ យកបារីចូលប្រទេសថៃចំនួន១៦០សុង ។
ការឃាត់ខ្លួននេះ ធ្វើឡើង កាលពីវេលាម៉ោង២១និង៣០នាទី ថ្ងៃទី២ ខែមេសា ឆ្នាំ២០១៩ នៅចំណុច UA. (៩៨.១៨) ខាងលិចច្រកអន្តរជាតិជាំសាងុំា ចម្ងាយ២០០ម៉ែត្រ។
បច្ចុប្បន្ន ជនសង្ស័យម្នាក់ខាងលើ ត្រូវបានអាជ្ញាធរថៃបញ្ជូនទៅស្រុកភូស៊ីង ខេត្តស៊ីសាកេត ដើម្បីសាកសួរ និងកសាងសំណុំរឿងចាត់ការតាមនីតិវិធីនៅប្រទេសថៃ៕ ប៉ែន នួន
