សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ប្រភពព័ត៌មានពី ស្នងការដ្ឋាននគរបាលខេត្តព្រះសីហនុបានឲ្យដឹងថា នៅល្ងាចថ្ងៃទី២៣ ខែមេសា ឆ្នាំ២០១៩ ម៉ោង១៧:១០នាទី លើផ្លូវជាតិលេខ៤ ស្ថិតក្នុងភូមិព្រៃនប់៣ ឃុំ ព្រៃនប់ ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រថយន្តចំនួន៣គ្រឿង បានបុកគ្នា តែមិនបណ្តាលឲ្យមានរបួស ធ្ងន់ធ្ងរដល់មនុស្សឡើយ ។
យោងតាម របាយការណ៍ពីសមត្ថកិច្ច បានបញ្ជាក់ថា៖ ដំបូងមានរថយន្តTOYOTA CAMRY ពណ៌ព្រីងទំមួយគ្រឿង ពាក់ស្លាកលេខ ភ្នំពេញ 2C.3441 មានទិសដៅពីភ្នំពេញ មកខេត្តព្រះសីហនុ បានជ្រុលចង្កូតមកខាងឆ្វេងដៃ បុកប៉ះ រថយន្ត១គ្រឿង ម៉ាក HYUNDAI ពណ៌ស ពាក់ស្លាក លេខ ព្រះសីហនុ 3A.5736 ដែលមានទិសដៅផ្ទុយគ្នា បន្ទាប់មករថយន្តបង្ករបានជ្រុលទៅបុករថយន្ត LEXUS RX330 ពណ៌សមួយគ្រឿងទៀត ពាក់ស្លាក លេខ ភ្នំពេញ 2AQ.8868 ដែលមានទិសដៅផ្ទុយគ្នា ។
គ្រោះថ្នាក់ចរាចរណ៍ខាងលើនេះ មិនបណ្ដាលឲ្យរងរបួស ធ្ងន់ធ្ងរដល់មនុស្សឡើយ ។ បច្ចុប្បន្នសមត្តកិច្ចបានយក រថយន្តទាំង៣គ្រឿង មករក្សាទុកនៅអធិការដ្ឋាននគរបាលស្រុកព្រៃនប់ រង់ចាំការដោះស្រាយនៅពេលក្រោយ៕ ឆ្លាម សមុទ្រ
