សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងប៉ុស្តិ៍នគរបាលរដ្ឋបាលផ្សារកណ្តាលទី១ នៃអធិការដ្ឋាននគរបាលខណ្ឌដូនពេញ បានឃាត់ខ្លួនជនសង្ស័យចំនួន១នាក់ ក្នុងចំណោមបក្ខពួក០៥នាក់ ពីបទលួចម៉ូតូ នៅម៉ោងជិត១០យប់ ថ្ងៃព្រហស្បតិ៍ ៥រោច ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែឧសភា ឆ្នាំ២០១៩ នៅចំណុចផ្លូវព្រះស៊ីសុវត្តិ ម្តុំហាត់ប្រាណភូមិទី៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។
ជនសង្ស័យឈ្មោះ ង្វៀង យ៊ាំងវឹក អាយុ២៩ ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅផ្ទះជួលលេខ២BEoz ផ្លូវលេខ១១ ភូមិ៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ។
ជនរងគ្រោះ ឈ្មោះស៊ិន សុខវន ភេទប្រុស អាយុ៣១ ឆ្នាំ ជនជាតិខ្មែរកាន់អត្តសញ្ញាណប័ណ្ណលេខ០១១០១៣៣៤៨ មានទីលំនៅផ្ទះលេខ៩៨៣ ផ្លូវលំ ភូមិទ្រា២ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
វត្ថុតាងចាប់យកបានមាន ម៉ូតូចំនូន០១គ្រឿង ម៉ាក ហុងដា click ដែលមានស្លាកលេខ ភ្នំពេញ 1HP 6186 (ជារបស់ជនរងគ្រោះ) ។
បច្ចុប្បន្នកម្លាំងកំពុងប្រើវិធានការជំនាញស្រាវជ្រាវរកបក្ខពួក និងសកម្មភាពបានប្រព្រឹត្តកន្លងមក និងបានកសាងសំណុំរឿងចាត់ការបន្តតាមនីតិវិធី ៕ ជ្រោយពេជ្រ
